Зинаида Рябинина: Мар со позиция?

Удмурт Дунне
By Удмурт Дунне Октябрь 5, 2017 12:35
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Зинаида Рябинина, валтӥсь редактор

Кылем арняе пыриськи Сыктывкарын ортчем фин-угор ужрадэ. Со сярысь трос гожъям ни.

Бертэммы бере ӝӧк вылысьтым шедьтӥ одӥгысьтыз ёросысь журналист эшмылэсь  «Удмурт Кенеш» сярысь гожтэмзэ. Сое аслаз газетаз печатлам ни.

«…Кытчы пыриз, кытчы ыштӥмы асьмелэсь позицимес? Али «Удмурт  Кенешын» «тишь да благодать». Солэн куараез уг кылӥськы политической событиос азьын. Тани алигес быръёнъёс ортчизы, татын но «Удмурт Кенешлэн» позициез ӧз шӧдӥськы.

…Соин ик Кун Кенеше дасо пала но удмуртъёс уг шедё. Удмуртъёс пӧлын вань калыкын гажано адямиос. Уг луы вал шат котькуд ёросысь сыӵе адямиосты шедьтыны но соос понна киостэ пужалляса (саесъёстэ, дыр — авт.) ужаны? Ёрос кенешъёслэн вань авторитетсы, соос быгатысалзы гурт калыкез ас палазы карыны… Малы со озьы луиз? Кин янгыш? Сыӵе позициен майбыр дунне вылын улыны…» — гожтэ со.

Зэмзэ вераса, мон нырысь-валысь ӧй оскы, ачиз удмурт азьветлӥсь  югдурез воксё но уг тоды шуыса. Малпан кылдӥз, ачиз но удмурт газет поттӥсь  «Герд» газетэз уг лыдӟы шуыса, угось отын котькуд быръён бере «Удмурт Кенеш» быръёнъёслы йылпумъянъёс лэсьтэ. Кылсярысь, 3-тӥ коньывуонэ потэм номерын Татьяна Ишматова ивортэ берло  кампания сярысь. Нош кылем арын Россилэн Кун Думаезлэн депутатэз луиз исполкомлэн ёзчиез Алексей Загребин. Уйпал ёросъёсысь удмурт азьветлӥсьёс, коркась корка пыраса, валэктон уж нуизы, шуыны луоз. Туэ Кун Кенеше быръёнъёсын списокын нырысетӥ мынӥз Татьяна Ишматова, али кивалтэ ялан ужась комиссиен. Со сяна, парламентэ сюризы эшшо 10-лэсь трос  удмурт депутатъёс — процентэ берыктоно ке, сомында ӧй вал на. Но, оло, зэмзэ но, кин ке синйылтытэк кылиз? Соку малы «авторитето» ёрос кенеш ӧз шарая, ӧз ӵекты соосты?

Мон ачим но сакыр  ӧвӧл, критикаез туж гажасько, но со  зэмлыклы уг тупа ке, со мукет сямен нимаське. Мыным потэ, ми эшеным «позиция» кыллэсь пуштроссэ пӧртэм сямен валаськом. Керетон-ӵашетон-митинг-забастовка — со «позиция», нош югдурез нуналмысь син шорын возён, бадӟым кивалтӥсьёсын кусып тупатыса нуналмысь валче ужан, асьме выжыысь адямиос понна дурваён — со позициез ыштон?

 

Удмурт Дунне
By Удмурт Дунне Октябрь 5, 2017 12:35 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<