«Удмуртиысь кругосветкаын» тазамиз 19 сюрс адями!

Удмурт Дунне
By Удмурт Дунне Октябрь 5, 2017 15:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Кылем шутэтскон нуналъёсы Удмуртиысь 17 муниципал кылдытэтъёсын ортчиз «Удмуртиысь кругосветка» фестиваль. Отчы пыриськиз ог 19 сюрс адями. Ужрад ортчиз Россиысь пыдын ветлон нуналэз пусъён улсын.

Киямы сётӥзы картаос.

Тужгес трос, 10 сюрс пала мурт, люкаськиз Иже. Сюрес вылэ потон азьын Киров паркын вань мылкыды карисьёс сӥль быгытъёссэс посӥзы калыккуспо классъем спортъя мастерен, Олимпийской шудонъёсы пыриськем муртлэн, «Мынам Удмуртие» телеканалысь журналистэн Марина Азябинаен валче. Фестивалез усьтыса, пусъемын вал ГТО-лэсь куронъёссэ зарни знаклы быдэстэмъёс.

Ӵуж, вож, горд буёлъёсын ворекъясь сӥзьыл нюлэсэтӥ юмшаны потӥзы быдэс классъёсын, семьяосын. Ваньмызлы киязы сётӥзы картаос. Адямиослы ӵектэмын вал 2 но ӝыны, 5, 10, 15, 20, яке тужгес кузьзэ 30 иськемъёсыз пыдын ортчыны. Велик вылын ворттылӥсьёс бырйизы 15, 20 яке 30 иськемез.

Маршрутъёсты ортчем сяна, ӵектэмын вал туризмъя ГТО-лэсь куронъёссэ быдэстыны. Татын кужымзэс эскероно кариськиз ог 200 адями.

Фестивале пыриськемъёс пӧлысь тужгес покчиез пыдын ветлӥсь луиз Якшур-Бӧдьяысь 2 ареслэсь пичи Андрей Агеев. Арлыдоез — Якшур-Бӧдьяысь ик 84 аресъем Александр Каракулов. Кузь сюресэз ортчем бере туж ческыт кошкиз инкуазьын пӧзьтэм ӝук. Фестиваль сярысь тодэ вайылон понна киосамы кылизы вымпел но сертификат.

Ангелина Снигирёва

Удмурт Дунне
By Удмурт Дунне Октябрь 5, 2017 15:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<