Туэ Ижысь но котырысьтыз 35 сюресъёс выльдӥськизы — 35,7 иськем

Удмурт Дунне
By Удмурт Дунне Октябрь 26, 2017 14:05
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Удмуртиын йылпумъяськизы «Кышкыт луисьтэм но ӟеч сюресъёс» программа улсын туэлы чаклам ужъёс.

Вуоно арын сюресъёсты выль амалъя лэсьтыны кенешемын: вуж асфальтэз пыргытыса, вылаз выльзэ вӧлдыса.

Ижысь берпуметӥез сюрес кылем арня пумын быдэстэмын вал, таяз арня вискын йылаз-пумаз вуттэмын Ижлэн шундыпуксён палысьтыз объездной сюресысь 39 иськем. Оглом та программа чотын туэ Ижысь но город котырысь 35 сюресъёс выльдӥськизы — 35,7 иськем. Транспортъя но сюрес хозяйствоя министерство талы висъям уксёез шыръяны быгатӥз. Озьы луонлык кылдӥз эшшо 4 сюресэз ватсаса тупатъяны. Сюрес вылын шуккиськон учыръёс ӧжытгес луизы ни, пусъё ГИБДД-ын ужасьёс. Ижысь Широкий пролкаын ужъёс кылем арня пумын йылпумъяськизы, сое эскерыны вуылӥз Правительстволэн Тӧроез Ярослав Семёнов. Быдэстэм ужъёсты со умоен лыдъяз но шуиз:

— Туэ программаез ӟеч быдэстыса, вуоно арлы сётыны чаклам коньдонэз 20 процентлы будэтыны быгатомы.

Вуоно арын сюресъёсты выль амалъя лэсьтыны кенешемын: вуж асфальтэз пыргытыса, вылаз выльзэ вӧлдыса. Тазьы лэсьтэмын ни Воткинск — Кельчино, Дэри — Изгурт сюресъёс. Озьы ик вераськемын кутыны асьме дорысь материалъёсыз. Кылсярысь, Кам дурысь кӧльыез, озьы сюрес дун трослы пичиялоз.

Вуоно арын тупатоно сюресъёсын список дась ини. Соин тодматскыны луэ Транспортъя но сюрес хозяйствоя министерстволэн сайтаз. Та дыре отын пусъемын 35 сюрес, но соослэн лыдзы йылыны быгатоз. Министерство юалляськон ортчытӥз, кыӵе сюресъёсты нырысь ик тупатоно. Калыклэсь ог 3 сюрс куриськон вуиз. Ог 600 мурт вазиськиз, Шаркан ёросысь Ляльшур гурт дорысен Выль Пашуре кожонтӥозь сюресэз тупатыны курыса. Эшшо 459 мурт дурбасьтӥз Можга ёросысь Ӟуч Пычас гурт дорысен Сизяшурозь кыстӥськись сюресэз выльдонлы. Ижын улӥсьёс — 249 адями — куризы Берш архитекторлэсь урамзэ тупатыны. Нимысьтыз комиссия со сюресъёс вылэ поталоз, учкоз, макем соос уродмемын.

Кызьы быдэсъяськиз «Кышкыт луисьтэм но ӟеч сюресъёс» программа Удмуртилэн шоркараз, вераз Ижысь благоустройствоя но сюрес хозяйствоя службалэн кивалтӥсезлэн воштӥсез Фирдаус Харисов. Туэ Ижысь но город котырысь сюресъёсты тупатонлы кошкиз ог 604 миллион манет. Ӟечомиз ог 570 сюрс квадрат метр асфальт. Программаез быдэстон улсын асфальт гинэ выльдымтэ. Кылсярысь, Удмуртской урамын пуктылэмын трослэсь ограждениос. Соос люкето пумит сюрес вылэ потыны, озьы шуккиськон учыръёслэн лыдзы ӧжытгес луыны кулэ, пусъе Ф. Харисов.

Фирдаус Харисов вераз, кыӵе сюресъёс тупатэмын луозы вуоно арын. Выльдӥськон ужъёс ортчыны кулэ нырысь ик школьной автобусъёс ветлон интыосын. Кылсярысь, Иж котырысь Нагорный, Люлли, Игерман, Берёзово микрорайонъёсысь сюресъёс вылын.

Ангелина Снигирёва

Туспуктэм: udmurt.ru

Удмурт Дунне
By Удмурт Дунне Октябрь 26, 2017 14:05 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<