Шӧкыч: Лобась ишанъёс

Удмурт Дунне
By Удмурт Дунне 3 октября, 2017 17:10
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Гужем шулдыр куазен Подшивал гурт вадьсамы лобало омырен тырмытэм бадӟым шаръёс. Ми соосты «тарахтелкаос» шуиськом, куаразы кыдёкысен кылӥське. Лобась шарын пукисьёслэсь весь возьмасько азбар шорам коньдонэн мешок куштэмзэс, нош соос адӟем но уг каро.

Одӥг пол ӝытазе эмезь бичасько садам. Кытысь ке весь кылӥське шокам выллем куара. Лобась шарлы маке луэм, вылды, шуыса, инбаме учкыса сылӥсько. Нош шар уг адӟиськы. Липет люкетэ шуыса, вӧзам сылӥсь пуклёк вылэ султӥ гинэ — пуклёке монэным валче пограз. Эмезь пудъёсме лучыр-лачыр тӥяса, ӵушъял вылэ сачак пукси. Вӧсь луэмелы чидатэк, кызьы султэмме но ӧй вала. Монэ кышкатыса, ӵушъял озьы фырккетэ вылэм.  Йыры курен венё бугорез мешоке донги но, кенер сьӧры зӥрто шуыса, садысь потӥ. Со куспын пель сьӧрам кылӥськиз сютэм чипыосылэн чиккетэмзы. Мешокме азбарысь ӟус вылэ понӥ. Тютюосме сюдон сяменым ӵушъял сярысь воксё вунэтӥськем. Кӧня ке улыса, капка усьтӥськем куара кылӥськиз, со бӧрсьы — воргоронлэн азбар тыр матькетэмез. Мынӥсько но, берпалзэ кутыса, Мирон Лёгор тэтча. Тӥни озьы, олома вие но вуод со лобась шаренызы.

Одӥг пол, бакча вадьсытӥм шар лобыку, 2 воргоронъёс э-э шонало ук киосынызы. Мыным кожаса, мон но лӧптыса ик сэзъясько. Сьӧразы уйиськыса, капка азе потӥ. Учкисько но, ульчаетӥ 2 егит нылъёс вамышъяло. Шар шоры учкыса, ӟабыль потто. Тӥни кинъёс гочатӥллям вылэм воргоронъёсты. Ярам, озьы выремме нокин ӧз адӟы.

Окыльна бускеле маде: пеймыт луон азьын мунчое мынӥ, пе. Йырзэ шампуняса  вуттэм гинэ, мунчо гуре пӧсь ву кисьтэм кадь пыш! кылӥськем. Кинэз-о мыным тазьы пӧсь ву кисьта шуыса, шампунесь синъёсме ӵушылӥ но котырак учки, пе. Нокинэз ӧвӧл. Мисьтаськон семеныз нош ик пыш! вазем. Синзэ усьтэ — нокин ӧвӧл. Йырме ури-бери миськи но кылзӥськыса, пе, пукисько. Пыш! шуэм весь кылӥськемысь, дэймыса мунчоысьтыз ури-бери потэм. Кызьы корка пыремзэ но валамтэ. Укное учкыса пукись нылыз вазем: анай, учкы ай, учкы, пе, лобась шар бакчаямы пуксиз, пеллязы-пеллязы но выльысь ӝутско ини. Окыльна бызьыса потыку, шар вылӥын вылэм ини, коробаз пукисьёслэсь киосынызы шонамзэс гинэ  адӟем на. Окыльна пумитазы мыжыксэ сэзъяса кылем. Тӥни сыӵе ишанъёс лобало йыр вадьсытӥмы.

Захар Гали

Удмурт Дунне
By Удмурт Дунне 3 октября, 2017 17:10 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<