Россиысь улосъёслы чакламын ватсаса 428 миллиард манет висъяны

Удмурт Дунне
By Удмурт Дунне Октябрь 5, 2017 15:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Кун Думаысь депутатъёс Алексей Загребин но Валерий Бузилов та арнязэ Удмуртиын ужало. Алигес соос пумиськылӥзы журналистъёсын.

Кун Думаын али ужало вуоно арлы бюджет бордын.

Кун Думаын али ужало вуоно арлы бюджет бордын. 2018-тӥ арлы Россиысь улосъёслы чакламын ватсаса 428 миллиард манет висъяны, зэм, ваньмызлы сое люкид ке, со трос ик уг луы. Но В. Бузилов оскытӥз, та лыдпусэз бадӟыматыны тыршозы шуыса.

В. Бузилов малпамъя, вуоно арын Удмуртилэн экономикаез 2,3 процентлы йылоз. Но дуннеысь азинскись кунъёсты учконо ке, со туж ичи. Шаермылэн экономикаез юнмасал, ужбергатӥсьёс выт тыронлэсь ӧй пегасалзы ке.

Валерий Викторович кыл поттӥз «Жилище» федерал программа сярысь но. Со асьме дорын 2015-тӥ арысен быдэсъяське, чакламын вал 2020-тӥ арозь азинтыны. Туэ со программа улсын Удмуртиын ӝутӥське нылпи сад, вуоно арын чакламын вал школа пуктыны. Но та вакытэ программа дугдытэмын, вуоно арлы коньдон висъямтэ. Но кызьы оскытӥз депутат, та юанэз федерал кивалтӥсьёс дорын  ӝутозы но чаклам ужъёсты азинтыны тыршозы.

Алексей Загребин тод-матӥз дышетон удысэз азинтонъя проектъёсын. Валтӥсь интыын луоз специалистъёсты дасясь опорной вузъёс но предприятиос кылдытон. Озьы ик Алексей Егорович пусйиз ссузъёслэсь шуг-секытъёссэс.

— Алигес пумиськылӥ колледжъёслэн, техникумъёслэн директоръёсынызы, — вераз А. Загребин. — Соос сюлмаськонзэс усьтӥзы, дышетон тӥрлыксы вуж ни шуыса. Валамон, 80-тӥ аръёсысь станокъёсын ужаса, ӟеч специалистэз будэтыны узгес пӧрмы. Кун ласянь юрттытэк, та ужпумез вырӟытыны уг луы, угось али ссузъёсыз возён элькун вылэ куштэмын.

А. Загребин эшшо пусйиз на, кыӵе ужъёс быдэсъяськозы улосъёсын анай кылэз утён но азинтон понна. Кылсярысь, октябрь толэзе Дагестанын ортчоз Кун Думаысь дышетонъя но наукая комитетлэн кенешонэз. Депутат шуэ: Уйпал Кавказын анай кылзэс ӟеч утё, со мукет улосъёслы адӟем карымон. Отчы мыныны удалтоз шаерысьтымы анай кылъя дышетӥсьёслы но. Кинлы сыӵе шуд усёз, быръёзы Дышетонъя но наукая министерствоын.

Ангелина Снигирёва

Туспуктэм: udmurt.er.ru

 

Удмурт Дунне
By Удмурт Дунне Октябрь 5, 2017 15:30 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<