Россиысь 17 улосъёсын огвакытэ усьтӥськизы «Кванториум» технопаркъёс

Удмурт Дунне
By Удмурт Дунне 26 октября, 2017 16:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Та нуналъёсы Россиысь 17 улосъёсын огвакытэ усьтӥськизы нылпиослэн «Кванториум» технопаркъёссы. Ижын таӵе центр 4-тӥ сентябрьысен ужаны кутскиз ни, но улосъёсысь сӥё-дано ужрадъёс борды итӥськыса, татын ортчытӥзы пӧртэм мастер-классъёс.

Та нуналъёсы Россиысь 17 улосъёсын огвакытэ усьтӥськизы нылпиослэн «Кванториум» технопаркъёссы.

Ижысь технопарк ватсаса тодон-валан сётонъя центр выллем ужа, отын дунтэк дышетско 11-17 аресъем ог 1 сюрс 500 нылпиос. Соос быгатонлыксэс волято 6 удысъёсъя: робот лэсьтон, промышленной дизайн, лобась аппаратъёсты бичан, туала вылӥ технологиос, виртуальной улон, информационной технологиос. Татын профессиез быръёнэн уг выро, нылпиосты малпаськыны дышето.

Технопаркын тодон-валанзэс паськытато Ижысь нылпиос гинэ. Но гуртъёсысь пиналъёслы татчы сюрес пытсамын ӧвӧл. Ёросъёсысь визь погъёс понна радъяськылозы экскурсиос, пӧртэм вожвылъяськонъёс, нош гуртъёсысь дышетӥсьёслы татысь специалистъёс ортчытъялозы пӧртэм семинаръёс.

Ижысь технопарк ватсаса тодон-валан сётонъя центр выллем ужа, отын дунтэк дышетско 11-17 аресъем ог 1 сюрс 500 нылпиос.

Технопарклэн ужаменыз гуртысь нылпиос тодматскыны кутскизы ини. Татчы вуылӥзы Глазовысь, Эграысь, Сьӧлталась, Вавожысь робот лэсьтонэн, инженерной технологиосын вырись ог 200 нылпиос. Ар пумозь вань ёросъёсысь визь погъёсты ӧтьылыны чаклало, оглом ог 3 сюрс нылпи центрлэн ужаменыз тодматскоз. Нош та нуналэ технопарке вуизы Вотка но Сарапул ёросъёсысь пиналъёс.

Сарапулысь 24 номеро школаын инженерной кружок азьвыл ик ужа вал ини. Но туэ нырысьсэ 7-тӥ но 10-тӥ классъёсын нимысьтыз инженерной классъёс усьтӥзы. Отын мур дышето математикаез но информатикаез. Пиналъёс мыло-кыдо пыриськыло элькун вожвылъяськонъёсы.

Технопаркын пиналъёс понна радъямын вал 6 мастер-классъёс. Одӥгаз визь погъёс тодматскизы квадрокоптерен. Тодӥзы, кызьы машина омыре ӝутӥське. Берло котькудӥз, кияз пульт кутыса, эскериз машинаен ужаны. Квадрокоптерез шонер лобњытыны, кулэ дыръяз пуктыны чик капчи вылымтэ, шуизы пиналъёс. Озьы ик егитъёслэн киязы вуизы 3D ручкаос. Таосыныз соос бумага вылын «Кванториумлэсь» пужызэ — логотипсэ — пуктӥзы. Нылпиослы уката но кельшиз роботъёсын ужаны. Соос куспазы вожвылъяськон ортчытӥзы, кинлэн роботэз ӝӧклэн одӥг пумысеныз мукетаз ӝоггес вуоз. Технопаркын нылпиосты улонын кулэ луись арбериосты бичаны, технологиосты валаны но азинтыны дышето. Азьланяз пиналъёс быгатонлыкъёссэс эскерозы JuniorSkills чемпионатын, робототехникая олимпиадаосын но трос мукетъёсаз.

Технопаркын пиналъёс понна радъямын вал 6 мастер-классъёс.

Технопарклэн ужаменыз тодматскиз дышетонъя но наукая министр Светлана Болотникова. Со осконзэ вераз, туала куронъёслы тупась таӵе юртын одно ик мур тодон-валанъёсын инженеръёс, информационной технологиосъя специалистъёс будозы шуыса.

«Кванториумын» радъямын вал Россиын 17 технопаркъёсты усьтонъя меӵак эфир. Нылпиосты ӟечкылаз Россиысь Правительстволэн Тӧроезлэн воштӥсез Аркадий Дворкович. Со шуиз: вуоно арын Россиын 70 таӵе технопаркъёс луозы ни. Али кунамы 36 улосъёсын таӵе юртъёс ужало.

Ангелина Снигирёва

Удмурт Дунне
By Удмурт Дунне 26 октября, 2017 16:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<