Правительство егитомиз

Удмурт Дунне
By Удмурт Дунне Октябрь 5, 2017 16:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

2-тӥ октябре ужзэ азинтӥз Кун Кенешлэн 6-тӥ ӧтчамезлэн 1-тӥ сессиез. Сое нуиз Кун Кенешлэн Тӧроез Алексей Прасолов. Сессилэн ужаз пыриськиз Удмуртилэн Тӧроез Александр Бречалов.

Басьтэмын А. Бречаловлэн «Твиттер» бамысьтыз.

Выль радлык

Кыӵе луоз выль Правительство — табере калленэн син азе пуксе ни. Сессия дыръя соин депутатъёсты вакчияк но валамон тодматӥз Удмуртилэн Тӧроез.

— Выль система юнме шорысь кылдытэмын ӧвӧл, — шуиз со. — Тодматским Россиысь мукет улосъёсысь кивалтӥсь ёзъёслэн радлыкенызы, дунъет сётӥм талэсь азьло Удмурт Правительстволэн ужамезлы. Шараяськиз: татчыозь куд-ог министерствоос но ведомствоос огкадь ужпумъёсты ас вылазы басьтылӥзы.

Таин валче, пе, кылсярысь, табере огазеямын луозы лэсьтӥськон, ЖКХ, тарифъёсты радъян понна кыл кутӥсь министерствоос. Озьы ик валчеяськозы калыкез утёнэн, ужен, миграция политикаен герӟаськем ужпумъёс.

Правительстволэн Тӧроезлэн 6 воштӥсьёсыз луозы, одӥгез — Удмуртилэн Тӧроезлэн Россиысь Президент бордын ялан ужась муртэз. Котькудӥз воштӥсь 3-4 министерствоосты но ведомствоосты бурд улаз басьтоз. (Учкелэ таблицаысь.)

Тӧролэн но Правительстволэн администрациенызы кивалтӥсь чакласа возёз Национальной политикая министерстволэсь, Загс ужпумъёсъя, архив ужъёсъя комитетъёслэсь, Печатья но ивор вќлмытонъя агентстволэсь, Миръясь судьяослэсь ужзэс радъянъя управленилэсь ужамзэс.

Удмуртилэн Тӧроез пусъемъя, выль структура кылдытэмын бюджетысь коньдонэз шыръян но пайдаё тыршон вылысь. Со ужаны кутскоз вуоно арын 1-тӥ январьысен. Отчыозь министерствоос но ведомствоос выль радлыке пумен-пумен выжозы.

Выль нимъёс

Пумен тодмо луэ элькун кивалтэтлэн выль командаез но. Правительстволы Тӧрое юнматэмын ни Ярослав Семёнов. Та рад Удмуртилэн Тӧроез депутатъёслы дэмлаз вице-премьерлэсь воштӥсьёссэ: нырысетӥ воштӥсе — Александр Свининэз,  озьы ик — Анастасия Муталенкоез, Анатолий Строковез, Михаил Хомичез. Берлоез  Удмуртилэн Тӧроезлэн Россиысь Президент бордын ялан ужась муртэз луыса тыршоз.

А. Бречалов котькудӥз сярысь оскымон кылъёс вераз. Кылсярысь, Александр Свинин элькунамы вуиз туэ апрель толэзе. Та дыр куспын «Лэсьтэмын Удмуртиын» форум радъяз, кылдытэмын инвестиция проектъёсъя карта. Удмуртиын ужаны дась луись ужбергатӥсьёс берло дыре гинэ ог 20 процентлы йылӥзы. Нош Анастасия Муталенко банкрот луэмлэсь утьыны быгатӥз ни «Удмуртиысь аптекаос» предприятиез. Отчы со вакчи дырлы юнматэмын вал кризислы пумит менеджере. Анатолий Строков но Михаил Хомич республикамы понна пайда ваёзы: нырысетӥез Россиысь Правительство бордысь Коньдон ужпумъёсъя университетын 17 ар ужамын, кыкетӥез Москваысь М. Ломоносов нимо кун университетын вуоно ужбергатӥсьёсты дышетэмын.

Вань кандидатъёс депутатъёсты тодматӥзы матысь дыре быдэстыны чаклам ужпумъёсын. Малпанъёссы бадӟымесь: элькун казнаез валаса кутоно, пунэмаськыса улонлэсь куштӥськоно. Талы луонлыкъёс вань, кылсярысь, тросгес пыриськоно федерал программаосы но элькунамы ватсаса коньдон кысконо, элькунамы поттэм вузъёсты палэнэ тросгес вузано, инвесторъёсты шедьтоно.

— Азямы пуктэм ужпумъёсты быдэстӥм ке, элькун казнае 2 поллы тросгес коньдон люкаськыны кулэ, — вераз А. Бречалов. — Туннэ элькунысьтымы предприятиос луоноезлэсь 52,4 процентлы гинэ ужало. Соослы вузъёссэс палэнэ поттыны юрттоно. Озьы Болгариен кусыпъёс тупатӥськом ни. Матысь дыре Финляндиысь, Китайысь делегациосын пумиськонъёс чакламын. Соос огшоры вераськонэн, киосмес кутылонэн гинэ ортчыны кулэ ӧвӧл — выль проектъёслы, выль ужъёслы кутскон мед сётозы.

Куара сётон лушкем радъяськиз. Озьы тодмо луиз: А. Свинин понна дурбасьтӥз 45 депутат, пумит луиз 2-ез, А. Муталенкоез умоен лыдъяз 40-эз, пумит кариськиз 7-ез, Анатолий Строков 44 куара люказ, 3-ез пумит, Михаил Хомич понна озьы ик 44 депутат дурбасьтӥз но 3-ез пумит луиз.

— Удмуртилэн Тӧроез  зэмзэ но ӵектӥз азинлыко, визьмо муртъёсты, — мылкыдзэ вераз Алексей Прасолов. — Соос котькытысь мед луозы: Чукоткаысь я Москваысь — нырысь ик соос профессионалъёс. Элькунмы азе туж бадӟымесь ужпумъёс пуктӥськом: элькун казнаез 2 поллы йылэтоно. Иське, улон-вылонмы но кык поллы ӟечгес луыны кулэ. Соин ик та уже асьмеос ваньмы ӵошен кыткиськыны кулэ.

Кылиз на возьманы, кинъёс луозы Правительстволэн Тӧроезлэн эшшо кыкез воштӥсьёсыз но министръёс.

Элина Кумачёва

 

Удмурт Дунне
By Удмурт Дунне Октябрь 5, 2017 16:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<