Киоссы но, сюлэмъёссы но — зарни

Удмурт Дунне
By Удмурт Дунне 9 октября, 2017 10:56

59 ар талэсь азьло Пичи Пурга черкогуртын нылпиослы ватсаса тодон-валан сётонъя центр кылдӥз. Та дыр ӵоже со юнмаз, быдэс ёросэ выжызэ лэзиз — 16 дышетон учреждениосын ёзъёсыз усьтӥськемын!

Пичи Пурга черкогуртын нылпиослы ватсаса тодон-валан сётонъя центр С. Ехлакова киужлы дышетэ.

Ёросын центрлэн данэз паськыт вӧлмемын. Азьвыл аръёсы отчы пиналъёс гинэ вуыло вал ке, туннэ курисько нылпи садэ ветлӥсьёс но, анай-атайёс но. Угось татысь дышетӥсьёслэн киоссы гинэ ӧвӧл, сюлэмъёссы но зарниесь — котькуд нылпиен нимаз ужаны дыр но, кужым но, чидан но шедьто.

Та вакытэ ЦДТ-лэн ёзъёсыз ужало пӧртэм гуртъёсын: Баграш-Бигралан, Норьялан, Пугачёвоын, Гожнялан, Учалан, Выль Мӧньялан но мукет. Нылпиослэсь быгатонлыкъёссэс волятон бордын тыршо ваньзэ-ӧвӧлзэ 57 дышетӥсьёс. Центрлэн бурд улаз пыремын 1 сюрс 300-лэсь ятыр пиналъёс. Зэм, та лыдпус пӧлысь бадӟым люкетэз нылъёс луо. Соин ик центр пиосты но гочатыны тырше — вуриськонъя, керттӥськонъя, суредаськонъя кружокъёс вӧзы усьтэмын туризмен, техникаен герӟаськемъёсыз. Озьы туннэ ЦДТ-е 356 пиос кыстӥськизы ини.

2014-тӥ арысен центрен быгатыса кивалтэ Нина Сабирова. Нина Анатольевна сюлмаське, нылпиослы татын тунсыко, нош дышетӥсьёслы ужаны капчи мед луоз шуыса. Со понна ӵошен ёросын ортчылӥсь пӧртэм ужрадъёсы пыриськыло.

 

 

Ольга Корепанова

 

Удмурт Дунне
By Удмурт Дунне 9 октября, 2017 10:56
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<