Кин юмшам?

Удмурт Дунне
By Удмурт Дунне Октябрь 4, 2017 17:15
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Калыкын шуо: юмшась пиосмуртэн секыт улыны, нош юмшась нылкышноен — кык поллы. Вашкала дыръя янгышась дыдыослэсь капказэс юнме тэкитэн уг буяло, ул дӥсьсэс ваньмызлы адӟиськись азе уг ошыло вал, луоз. Али но со сямъёсмы чылкак быремын шуыны уг луы. Семья куспын угось ма но уг луы: люкисько но, жугисько но, выльысь тупало но…

Писэй Мики толэзьзэ Севере уже ветлэ, мукетсэ гуртаз пуке. Соин ик яратоно Тонизэ гуртысь воргоронъёсын вожа. Эшъёсыз но исало, кемалы кошкыкуд, кинлы, пе, Тонидэ кельтӥськод? Оло, милемлы кудмылы ке оскод? Кышномурт воргоронтэк уг чида… Солэн изёнэз быре.

Эшъёс гинэ ярам вал, Мишалэн мемиез но со пумысен кыл поттӥз: вошты ни, пе, уждэ, кышнотэк кылёд. Пиосмурт кышноез вӧзын луыны кулэ. Пиед но куаретӥз вал: атай кошкемын, нош анайлы кыӵе ке агайёс весь жингыръяло.

Тони, амало кышномурт, кыллы кисыяз уг пыры, шуэ: уд оскиськы ке, ну монэ сьӧрад, мон шумпото гинэ. Котьма ке но, Мики аслыз кыл сётӥз: тырмоз! Калыкын вераськон со вераськон ик мед кылёз, меми но чакласькыны куре бере ни…

Мар бордысен кутсконо? Умой луысал азбаре лушкем видеокамера пуктыны. Но со туж дуно усёз, быдэс уждунэз отчы уд кушты. Соин ик Мики бускеленыз, Омельянычен, кенешыны малпаз. Омельяныч арлыдо воргорон ини, кышноос дортӥ ветлыны кынарыз быремын, уйзэ трос уг изьы, кылзэ но пинь сьӧраз возьыны быгатэ.

Сюлэмшугъяськонзэ кылзыса, бускелез таӵе визь-кенеш сётӥз: Тоня доры уйин выллапалась вуизы ке, со палась ик кенерлэн пулыз палдэмын луоз, уллапалась ке — уллапаласез.

Командировкаысь бертыкуз, Миша синйылтӥз: огпалысьтыз 3 пулэз тэргам, мукет палысьтыз — 2-ез. Кышноез туж шуныт пумитаз: туж, пе, мӧзми. Только огнам улӥсько шуыса-а, мар-а кин ке серем карыны малпам, лэся, кенер пулъёсты палдытъям. Полицие ӧй иворты, тонэ возьмай.

Тӥни озьы, эшъёс… Тонялэн юмшамез озьы ик ӧз шараяськы.

Николай Трубачев

 

 

Удмурт Дунне
By Удмурт Дунне Октябрь 4, 2017 17:15 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<