Кин понна шудо удмурт артистъёс?

Удмурт Дунне
By Удмурт Дунне Октябрь 23, 2017 15:34

Зинаида Рябинина, валтӥсь редактор

Удмурт театр выляз сезонын паймытӥз А. Гринлэн повестезъя «Алые паруса» мюзиклэныз. Асьме артистъёс синмаськымон шудӥзы-кырӟазы, но премьера бере учкисьёслэн юанъёссы кылдӥзы: малы таиз но — ӟуч кылын?

Угось коньывуонэ репертуарысь одӥгез сяна спектакль удмурт кылын уг мыны. Кин понна шудо удмурт артистъёс? Та юанэн ми вазиським театрысь валтӥсь режиссёрлы Алексей Ложкинлы.

Режиссёрлы та юан ӧз кельшы шуим ке, туж лякыт верамын луоз.

— Кин учке, солы ик пуктӥськом!

— Озьыен, удмуртъёс театре ветлэмысь дугдӥзы?

— Огласянь, озьы вераса, уг пӧя, малы ке шуоно премьераос дыръя зал тырме ик ке, мукет дыръя ми ӝыныё заллы спектакль возьматӥськом. Тани кӧня ӟургетӥзы Мултан уж сярысь спектакль пуктоно шуыса. Пуктӥм. Ӟеч пуктӥм. И мар? Кожаськоды, ветло-а? Учкисьёс пӧлысь ӝыныез наушникен пуко. Со сяна, октябрь — школаын дышетскисьёслы чаклам толэзь — со радъяське арысь аре. Та вакытэ ми юромо пуктӥськом школа программая мынӥсь произведениосъя спектакльёсты. Ӟуч литературая дышетӥсьёслы луыса билетъёсмес вожмаськыса басьто, тани али «Алые паруса» мюзиклэ декабрьлы но билетъёс ӧвӧл ни. Мон нокыӵе кайгыронзэ уг адӟиськы, артистъёсмы ӟуч спектакльёсты шудо шуыса. Соослы будыны кулэ. Собере, классикалэн ӧвӧл национальностез! Кытысь ми вордом удмурт спектакль, пьесаос ӧвӧл ке?

А. Ложкинлэсь пӧсекъямзэ туж валасько, угось асьмеос но сыӵе ик югдурын. Артистъёслы тунсыко уг поты ӝыныё зал азьын шудыны, журналистъёслы — омыре гожъяськыны, угось котькӧня тыршы калыкез гожтӥськытон понна тунсыко материалъёс утчаны, быдэс шаерез котыръяны — пайдаез ӧвӧл… Но мон чутрак соглаш ӧвӧл режиссёрен «будон» пумысен — соя пӧрме, удмурт кылын вераськись мурт кылдэмезъя будыны уг быгаты? Со понна одно кельшыны кулэ ӟуч учкисьлы, лыдӟисьлы? Со амалъя кемалась мыно ни куд-ог удмурт изданиосысь эшъёсмы но, тодмо-дано кырӟасьёс но. Оло, милемлы но оскалтоно? Нялтас вераса, сыӵе куронъёс луыло! Но мыным асьме газетчиосмы мукетъёслэсь «лапеггес» чик но уг пото.

Удмурт Дунне
By Удмурт Дунне Октябрь 23, 2017 15:34
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<