Кин «Элькуновидение» вожвылъяськонлэн финалаз потӥз?

Удмурт Дунне
By Удмурт Дунне 23 октября, 2017 09:58
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кылем кӧснуналэ «Аксион» культурая юртын ортчиз «Элькуновидение» конкурслэн выль этапез — азьлане потӥз 14 кырӟась. Кин вормоз, тодомы 4-тӥ шуркынмонэ — «Мынам Удмуртие» ТРК-лэн эфираз вожвылъяськонлэн финалэз ортчоз. 

Тросэз пусъё, туэ «Элькуновидение» яркытгес ортчиз, со люказ пӧртэм кырӟсьёсты: реп, рок амалэн гожтэмъёссэ но, вал калык гуръёслы кельшисьёсыз но. Вераны луоз, тросэз кырӟасьёс — егитъёс. Соос но вожвылъяськонэ выль шӧм пыртӥзы. Нимысьтыз пусъеммы потэ артистъёслэн пӧрмытскемзылы. Шӧдӥське, туэ соос талы но саклык висъяллям — дӥсьёссы тузӥесь вал.

Концертын кырӟасьёсты ёросъёсысь адямиос дунъязы ке, финалын кылдытэмын луозы мукет жюри: отчы пыриськозы шаерысьтымы нимо-дано крезьгурчиос, артистъёс, кылбурчиос. Тодады вайытом, туэ конкурсэ куд-ог воштӥськонъёс пыртэмын.

— Азьло «Элькуновидение»  — со кырӟанлэн конкурсэз вал, али шуиськом: со — кырӟасьёс куспын вожвылъяськон, — вера «Мынам Удмуртие» ТРК-ысь журналист Светлана Пикулева. — Воштӥськемын дунъян амалъёс. СМС-куара сётон кыле — кин  тросгес куара басьтоз, соослы учкисьёслэсь кузьым сётӥськоз. Нош вормисьёсты быръёз нимысьтыз жюри. Кин отчы пыроз, тодмо луоз конкурслэн финалаз гинэ.

Пичи Пурга ёросысь «Эрик» группа.

Озьыен, финалэ потӥзы:

  1. Сарапул ёросысь Павел Смирнов «Чирдоз уӵы» кырӟанэн, крезьгурез но кылъёсыз Павел Смирновлэн; люказ 94 балл.
  2. Эгра посёлокысь воргоронъёслэн«QUEENтет» квинтетсы «Улон уг ортчы токма» кырӟанэн, крезьгурез но кылъёсыз Денис Чирковлэн; люказ 90 балл.
  3. Шаркан ёросысь Александра Протопопова  «Тон суреда мыным сяська» кырӟанэн, крезьгурез но кылъёсыз Татьяна Хохряковалэн; люказ 78 балл.
  4. Вавож ёросысь «ВАЛАН» ансамбль «Улонысь улонэ» кырӟанэн, крезьгурез Елена Дементьевалэн, кылъёсыз Евгений Китовлэн, Мария Бегишевалэн; люказ 68 балл.
  5. Ижкарысь Индустриальной ёросысь Владимир Вахрушев «Зарни италмас» кырӟанэн, крезьгурез Владислав Андреевлэн, кылъёсыз Владислав Андреевлэн, Владимир Вахрушевлэн; люказ 64 балл.
  6. Глазкарысь Наталья Богданова  «Малы меда» кырӟанэн, крезьгурез Ольга Перминовалэн, кылъёсыз Людмила Куртеевалэн; люказ 58 балл.
  7. Кез ёросысь Сергей Ефремов «Сяськаныл» кырӟанэн, крезьгурез но кылъёсыз Сергей Ефремовлэн; люказ 56 балл.
  8. Пичи Пурга ёросысь «Эрик» группа «Ижкар вера» кырӟанэн, крезьгурез Дмитрий Григорьевлэн, кылъёсыз Анастасия Шумиловалэн; люказ 56 балл.
  9. Алнаш ёросысь Анастасия Иванова «Мон гуртам куно гинэ на» кырӟанэн, крезьгурез Анастасия Ивановалэн, кылъёсыз Анна Бурдиналэн; люказ 52 балл.
  10. Можга ёросысь Сергей Вотяков «Востэм арганчи» кырӟанэн, крезьгурез Иван Смолинлэн, кылъёсыз Александр Вотяковлэн; люказ 38 балл.
  11. Дэбес ёросысь Ольга Перевозчикова «Палэзьпу юмшан» кырӟанэн, крезьгурез но кылъёсыз Ольга Перевозчиковалэн; люказ 36 балл.
  12. Татарстанысь Агрыз ёросысь Эдуард Мираев «Анай» кырӟанэн, крезьгурез но кылъёсыз Эдуард Мираевлэн; люказ 26 балл.
  13. Татарстанысь Менделеевск ёросысь «Тау 17» трио «Легезьпу» кырӟанэн, крезьгурез Виктор Никифоровлэн, кылъёсыз Александр Белоноговлэн; люказ 24 балл.
  14. Вотка карысь Любовь Иванова но Лариса Загуляева «Итаысь италмас» кырӟанэн, крезьгурез но кылъёсыз Любовь Ивановалэн; люказ 22 балл.

УД

Туспуктэмъёс: vk.com («Элькуновидение» огин)

Удмурт Дунне
By Удмурт Дунне 23 октября, 2017 09:58
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<