Ижкарысь тросгес интыосты лемтэйёслэсь пазяло ке

Удмурт Дунне
By Удмурт Дунне Октябрь 2, 2017 16:40
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Арысь аре Ижкарысь тросгес интыосты лемтэйёслэсь пазяло ке но, куртчемъёслэн лыдзы уг кулэсмы.

Та сярысь ивортӥзы Ижкар администрациысь калыклы эмъяськыны условиос кылдытонъя, профилактикая отделысь специалист Виктор Ворончихин но Паласькись висёнъёсъя элькун больницаысь валтӥсь врачлэн воштӥсез Наталья Кирпичёва.

— Туэ 7 толэзь ӵоже Ижысь 6 сюрс 163 адями, лемтэй куртчемлы ӝожтӥськыса, больницаосы вазиськиз (кылем арын 3 сюрс 955 мурт вал). Соос пӧлысь 522-ез — нылпиос. Энцефалит диагноз пуктэмын 11 муртлы.

— Лемтэйёс тазалыклы кышкытлык медаз кылдытэ шуыса, 3 прививка пуктоно, — шуэ Наталья Кирпичёва. — Нырысетӥзэ али, сентябрьысен кутскыса, пуктоно ни. Куд-огез малпа: огкутскемен 3 прививка лэсьтӥз ке, быдэс улытозяз лемтэйёслэсь уз кышка. Но со янгыш — прививка лэсьтоно 3 армысь огпол. Со пуктӥське 3 аресысен.

Эмъясьёс лемтэйёслы пумит прививкаез одно ик пуктыны косо нефтяникъёслы, геологъёслы, лэсьтӥськисьёслы, шутэтскон интыосын но нылпи лагерьёсын тыршисьёслы, нюлэс но гурт удысъёсын ужасьёслы, инкуазьын шутэтскыны, губи бичаны, чорыганы яратӥсьёслы, сад-бакчаын трос дырзэс ортчытӥсьёслы.

Специалистъёс шуо: черлантэм вылысь быдтыны кулэ лемтэйёсты но, соослэсь сиёнзэс но, нош со понна юртъер котырез чылкыт возёно, жуг-жаглэсь, куасьмем турын-куарлэсь утялтыса возёно.

Сыӵе ик куронъёс шырвисёнэн черлантэм вылысь но. Роспотребнадзор ивортэмъя, туэ 7 толэзь ӵоже Ижын 377 муртлы геморрагической лихорадка диагноз пуктэмын, кылем арысь та вакытэн ик ӵошатыса, со 4,3 процентлы тросгес. Туэ шырвисён уката зол вӧлмиз, малы ке шуоно тулыс но гужем зоро вал. Шыръёслэн каръёссы ву пушкы кылиллям, соин соос дырызлэсь вазь адями доры потӥзы.

Шырвисёнэн черламъёс пӧлысь 40 процентэз висёнзэс вайизы сад-бакчаосысь, шуэ Виктор Ворончихин.  Соин сад-бакчаосын, нюлэсъёсын тузон пурӟытоно ӧвӧл, отысь бертэм бере киосыз одно ик майталэн миськоно. Сад-бакчаосын шыръёслы нокыӵе сиён кельтыны уг яра.

Елена Рябина

Удмурт Дунне
By Удмурт Дунне Октябрь 2, 2017 16:40 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<