«Дарт» газет редколлегизэ люкалоз

Удмурт Дунне
By Удмурт Дунне Октябрь 27, 2017 15:46

Ар кутскыку, верамы вал: «Дарт» редколлегизэ люкалоз. Озьыен, нырысетӥ пумиськонмы ортчоз 31-тӥ коньывуонэ 17.30 часын Ижысь «Лифт» юртын. Гажаса витиськом вань мылкыд карисьёсты.

«Дарт» газетлэн редколлегиез — со аспӧртэмлыко творческой лаборатория кадь луоз.

«Дарт» газет котыраз люкаса возе пӧртэм удысъёсын тыршись егитъёсты: со гожъяськисьёс но, туспуктылӥсьёс но, дизайнеръёс но… Милям уно рубрикаосмы: мода, крезьгур, туспуктэмъёсын адӟытонъёс… Соин ик пумиськонамы ӧтиськом вань мылкыд карисьёсты, кин тунсыкъяське туала улонэн — «Дарт» возьма воштӥськонъёсты, выль малпанъёсты но сюресъёсты. Выль вамыш лэсьтыны юрттозы редколлегие вуэм адямиос. Пумиськонъёсамы ми малпалляломы номерлэсь пуштроссэ, туссэ.

«Дарт» газет — со туж умой инты, кытын удмурт егитъёс асьсэзыс возьматыны быгатозы, куддыръя газет улонын интыез шедьтыны но юрттэ.  Нош кыӵе бадӟымесь нылпиослэн быгатонлыкъёссы: кин кылбура, кин вуриське, кин суредаське. Соослэсь ужъёссэс быдэс Удмурт шаер адӟыны мед быгатысал… быдэс ар ӵоже. Соин ик, кин уг быгаты вуылыны Иже, ыстылэ материалъёстэс dart.gazet@yandex.ru электрон почта пыр. Учком, дунъялом, «Дарт» газетэз валче лэсьтом.

«Дарт» газетлэн редколлегиез — со аспӧртэмлыко творческой лаборатория кадь луоз. Оскисько, творческой омыр татысь ноку но уз бырылы: кылдозы выль комиксъёс, веросъёс, будозы вуоно журналистъёс, проектэн вырисьёс. Уго газет — со гожъяськон маке гинэ ӧвӧл, али со пӧртэм ӝытъёс, позыръяськонъёс радъя. Тодэ лыкто азьвыл редакторлэн ужан аръёсыз, ку Дарали Лели ортчытъя вал «Дарт» дискотекаос. Али ӵемгес луыло литературной пумиськонъёс но визьмо вераськонъёс.

Озьыен, гажано эшъёс, выльысь пумиськытозь! Дыртэлэ, дартэлэ, оломар но дауртэлэ!

Мария Векшина

Удмурт Дунне
By Удмурт Дунне Октябрь 27, 2017 15:46
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<