Зинаида Рябинина: Школа бере — почтае!

Удмурт Дунне
By Удмурт Дунне Сентябрь 1, 2017 08:24
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Зинаида Рябинина, валтӥсь редактор

Мон понна 1-тӥ сентябрь праздник чот луыны кулэ ӧвӧл ни кадь, но арлы быдэ та нуналэ ӝутскем мылкыдын улӥське — тодэ лыктэ аслад нырысетӥ школа нуналэд, нырысетӥ дышетӥсед.

Алигес, номерлы план дасякумы, валам: малы ке но асьмелэн ӵемгес данъяло нимаз предметъёсъя визьнодасьёсты, нош покчи классъёсты валтӥсьёс вужере кылё — вань янгышаса малпан, соослэн ужзы лякытгес шуыса. Но ӵошатыны луэ шат ЕГЭ баллъёсты но курадӟыса, кырыж-мерыж гожтэм нырысетӥ букваос понна шумпотонэз? Соин ик туннэ милям тӧр шорамы — покчи классъёсты дышетӥсь Людмила Кузнецова.

Нялтас вераса, Кун Думаысь ЛДПР партиысь депутатъёс ӵекто 1-тӥ сентябрез нуйтыны — праздник, пе, мед кылёз, нош дышетскон арез котькуд муниципалитет ачиз тодэмъя — кин сентябре, кин октябре — мед мытоз. Со сярысь «Парламентской газетын» маде та проектлэн кичӧлтӥсез Вадим Деньгин.

Хм, маке но тодмо маке та. Бен, озьы вал ми пинал дыръя: 1-тӥ сентябре школае сяськаосын, тӧдьы бантъёсын мынӥськом, нош 2-тӥ сентябре — картош бусые резина сапегъёсын… Но та рад депутатъёслэн сюлмаськемзыя ик пиналъёсты ужатыны уг яра ни! Соку мар бордын талэн кулэлыкез? Со, пе, интыослы луонлык сётоз куазья кариськыны — нылпиослы шуныт дыръя тросгес шутэтскыны… Куазьлэсь кыӵезэ валтӥсь синоптикъёс но шонер вераны уг тодо, нош депутатъёс тодо, лэся. Ну, оском, одӥг визь люклы пумит дас визьмоосыз шедёзы но сыӵе законопроект куркуянэ кошкоз шуыса.

Со дыре ик матэкто быръён нуналъёс. Но адямиосын вераськыса, валаськод: ӝыныез уг тодо, кинэ-кытчы-мар быръёно…

— Азьвыл быръён вакыт шокчыны маза ӧй вал, ялан пумиськонъёсы ӧтчазы, ящикамы газет куязы, туэ соин ӧй но гожтӥськы вал, табере мӧзмыт, номыре уг тодӥськы, кинэ сюрем-а, мар-а бюллетене пусъём, — шуэ гуртын улӥсь арлыдо тодмое.

Нялтас вераса, 1-тӥ сентябре кутске вуоно арлы гожтӥськон. Эн вунэтэ, вылаз ик, «Удмурт дуннеез» дунтэк ящикады нокин уз тыры, нош удмуртъёс сярысь сомында ивор, отысь сяна, нокытысь уд лыдӟе.

Удмурт Дунне
By Удмурт Дунне Сентябрь 1, 2017 08:24 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<