«Вож кыйлэсь» утизы гурезьёс

Удмурт Дунне
By Удмурт Дунне Сентябрь 19, 2017 16:20
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Сергей: Одӥг пол компьютер сьӧрын пукыкум, син азям гурезьёсы ветлӥсь адямилэн туспуктэмъёсыз йӧтӥзы. Макем чебересь потӥзы со суредъёс.

Туэ Ижысь Сергей нимо воргоронлы спорт туризмъя мастер ним сётӥзы. Со улонзэ гурезьёстэк син азяз пуктыны уг быгаты ни. Нош огвакытэ воргоронлэсь улонзэ вож кый ӧжыт гинэ йырин-чукин ӧз берыкты.

 

— Армиысь бертэме бере, тросэз егит муртъёс сямен, кытчы асме карыны, маин улонме герӟаны ӧй валалля, — тодаз вае Сергей. — Ма, дышетскеме но рос-прос ӧй вал, училищеез гинэ йылпумъяй. Ужаны интыяськи городысь одӥгаз предприятие. Верало ук, кыӵе адямиос пӧлы сюрод, соосъя ик улонэд но тупатӥськоз. Ӵош ужась эшъёсы чарка бекыръяны ярато вылэм. Уж бере гинэ ӧвӧл, нуназе но курытсэ ӟузьылӥзы. Мукетъёсызлэсь висъяськыны умой ӧвӧл кадь шуыса, я одӥгеныз, я мукетыныз мон но пичиен юылӥ. Ачим но ӧй вала, кызьы нырысь арнялы одӥг пол, собере ӵемгес но ӵемгес улонам аракы кузёяськыны кутскиз. Одӥг пол бригадамылэн кивалтӥсез монэ кудӟем йырын кырмиз. Дораз ӧтиз но урод сямлэсь куштӥськыны косӥз. Огвакытлы визь пырылӥз, но чарка выльысь гочатӥз. Нош ик йӧтӥ кивалтӥселэн син шораз. Таяз рад со мыным чурыт шуиз: яке эмъяськыны мынӥськод, яке ужысь лобато. Эмъяськон капчи ӧз ортчы. Врач дорысь справкаен кивалтӥсе доры лыктӥ. Со пельпумам вешаз но ужаны ыстӥз. Учкемезъя валай, со мыным оске шуыса.

Уж дуре нуналлы быдэ машинаен ветлыны ӧдъяй, эшъёсы но медаз юыны ӧте, ачим но медам гоча шуыса. Уж бере но нуналлы быдэ я Иж тымет дуре визнанэн дыртӥ, я велосипедэн кытчы ке шонтылӥ, я город урамъёстӥ бызьылӥ. Одӥг пол компьютер сьӧрын пукыкум, син азям гурезьёсы ветлӥсь адямилэн туспуктэмъёсыз йӧтӥзы. Макем чебересь потӥзы со суредъёс. Малпай, мыным 26 арес ни, мон татчыозь номыре ӧй адӟы на. Гожтӥ со воргоронлы, соин ӵош гурезьёсы ветлэме потэ шуыса. Со нодъяз: нырысь-валысь, капчи походъёсы ветлыса, эскероно.

Гурезьёсы мынон понна мугорме кыдатыны кутски: нуналлы быдэ бызьылыны потай, секыт рюкзакен ветлыны эскерылӥ. Басьтӥ туризмен вырон тӥрлык: палатка, изён мешок, коврик, рюкзак. Нырысьсэ потӥ гурезьёсы. Инкуазьлы, туристъёслы — ваньмызлы синмаськи. Ӵош ветлэм эшъёсылэн но мыным осконзы юнмаз кадь. Берло монэ секытъёсазгес походъёсы ӧтьылыны кутскизы. Нялтас эшъяськи Удмуртиысь Туристъёслэн союзэнызы, отысь адямиосын трос гурезьёсты котыртӥмы. Пумен мыным оскизы аслым походъёс радъяны. Озьы кытчы гинэ ӧй вуылы: быдэс Урал гурезьёсты ортчи, Забайкальеез, Восточные Саяныез, Алтаез, Кольской полуостровез. Туризмез сюлмысь яратэмме адӟыса, вылды, монэ ӧтизы Удмуртилэн туризмъя сборнояз. 2015-тӥ арысен ветлӥсько спортивной походъёсы. Та удысын вормонъёсмы но вань ини.

Нарколог дорын эмъяськеме бере чаркаез воштӥзы походъёс, велосипед, пыдын бызьылон.

Малпасько, улонын сомында тунсыкоез, со палэнэтӥ медаз ортчы. Кузпалы но туризме кыстӥськыны кутскиз, али ӵемысь инкуазьын ӵош шутэтскиськом. Нылмы пичи ай, но сое но пумен дасяськом тыбыр сьӧраз рюкзак ныпъяны но сюрес вылэ потыны.

Али малпанъёсам Таймыре вуылыны, адямиослэсь, цивилизацилэсь палэнэ шедьыса, асме эскереме, сямме эшшо но кыдатэме потэ.

Ангелина Снигирёва

 

Удмурт Дунне
By Удмурт Дунне Сентябрь 19, 2017 16:20 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<