Удмуртия бырйиз выль кивалтӥсез но парламентэз

Удмурт Дунне
By Удмурт Дунне 11 сентября, 2017 15:22
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

10-тӥ куарусёнэ Россиысь 85 улос пӧлысь 82-аз (Ингушетиын, Магадан улосын но Санкт-Петербургын сяна) пӧртэм интыосын  быръёнъёс ортчизы. 66 улосын асьсэлы  тӧро бырйизы, 16-яз —  закон кылдытъясь ёз.

«Огъя Россия» партилэн адямиосыз кивалтонлэн нырысетӥ радъёсаз потӥзы.

Удмуртия пыриськиз сояз но, таяз но быръёнэ — Кун Кенешысь депутатъёсты воштыны дыр вуиз, нош элькун Тӧро асьмеос быръёно луим дырызлэсь вазь.

Шаерамы  8 часысен 20 часозь ужаз 1 сюрс 205 быръён участок. Но калык отчы дыртӥз, шуыны уг луы — нунал ӵоже асьсэлэсь луонлыксэс уже кутӥзы 30 процентэз гинэ бырйисьёс.

Элькун Тӧро луон понна нюръяськиз 5 мурт. ЦИК-лэн лыдпусъёсызъя, 322 сюрс 305 куара люкаса (78,16  процент),  ваньзэс азьпалтӥз Александр Бречалов. Владимир Бодров понна куаразэс сётӥзы 8,73 процентэз (36 сюрс 11 мурт). Со бере мыно  Фарид Юнусов (4,82 процент — 19 сюрс 861 куара), Тимур Ягафаров (3,17 процент — 13 сюрс 65 куара)  но Андрей Иванов (2,5 процент — 10 сюрс 296 куара).

Быръён ортчем бере, со ӝытэ ик,  Россиысь Правительстволэн Тӧроез,  «Огъя Россия»  партилэн азьветлӥсез Дмитрий Медведев улосъёсысь  быръён штабъёсын селектор пыр кенешон ортчытӥз. Удмуртилэн Тӧроезлэсь ужзэ быдэсъясь Александр Бречалов ивортӥз шаерамы  быръёнъёслэн ортчемзы сярысь.

— Удмуртиын быръёнъя катэз тӥян учыръёс пусйымтэ, — шуиз со.  — Нялтас вераса,  милям участокъёсамы, партиосын келям эскерисьёс сяна, ужазы калыккуспо наблюдательёс но. Соос но  умоен пусйизы  быръёнлэсь ортчемзэ.

Ачиз Александр Бречалов та нуналэ быръёнэ пыриськыны ӧз быгаты, малы ке шуоно солэн пропискаез Москва улосын. Но табере мон возьдаськытэк быгатӥсько ни Удмуртиез дореным ниманы, татын прописка басьтыны, шуиз со быръёнын вормемез сярысь тодэмез бере.

— Нош ужме мон «быръён дорозь» но «быръён берелы» уг люкиськы. Кызьы кутски ужаны, озьы ик ужало. Та дыр ӵоже тодматски элькунэн, вуттӥм тужгес сюлэмшугъяськытӥсь ужпумъёсты быдэстыны, но шӧдӥсько, эшшо шаплыгес, тросгес ужано луоз. Туннэ понна валтӥсь интыын — элькунлэсь экономиказэ юнматон, вуоно арлы валаса бюджет кутон. Ми ӝуткаськом интыосысь кивалтӥсьёсты выль проектъёс борды басьтӥськыны, выль предприятиос кылдытыны. Аслам командаеным тыршом элькунэ тросгес палэнысь коньдон кыскыны, со понна кулэ федерал программаосы пыриськыны но мукет.

Удмуртиысь Кун Кенеше сюрон понна вожвылъяськиз 6 партия, со сяна, асьсэлэсь кужымзэс эскеризы нимаз адямиос но — самовыдвиженецъёс.

«Огъя Россия» басьтӥз 63,16 процентсэ куараосты, КПРФ — 14,86 процент, ЛДПР — 8,95 процент, «Зэмлыко Россия» — 6,57 процент. «Родина» но «Россиысь коммунистъёс» — быдэн 1,94 но 1,44 процент.

Кызьы тодмо, парламентэ сюро 5 процентлэсь тросгес куара люкамъёс. Озьы Удмуртилэн Кун Кенешезлэн 6-тӥ ӧтчамаз сюре 4 партия: «Огъя Россия», КПРФ, ЛДПР но «Зэмлыко Россия». Данаксэ пуконъёсты — 60 пӧлысь 47-зэ — басьтоз «Огъя Россия». КПРФ-лы сюре 5, ЛДПР-лы но «Зэмлыко Россилы» — быдэн 2 инты, 4-зэ басьтозы асьсэ понна мынэмъёс Сергей Зуев (Воткинск город), Денис Анищук (Глазов), Владимир Варламов (Вотка ёрос), Софья Широбокова (Якшур-Бӧдья ёрос).
Ӵошатон понна: 2012-тӥ арын Кун Кенеше быръёнъёсын озьы ик вормиз вал «Огъя Россия» партия 53,19 процентэн. Озьыен, 5 ар ӵоже партия быгатӥз ассэ ӟечгес возьматыны, угось быръёнын 10 процент — со шӧдскымон лыдпус. Зэм, уж быръёнэн уг йылпумъяськы, табере депутатъёслы зол тыршоно луоз, угось азьло созывен ӵошатыса, табере соос элькун парламентын 60 кузя (азьвылаз созывын 90 вал). 30-эз соос пӧлысь тодмо ни, со — одӥг мандатэн округъёсъя вормемъёс. Отӥоссэ 30-зэ интыосты басьтозы партиослэн списокъёссыя быръёнэ мынэм адямиос. Ӵемысь со списокысь нырысетӥ адямиос луо. Но янгыш лэсьтонтэм вылысь нимтулъёсты сётом ини соосты партиос юнматэм бере. «Огъя Россия» партилэн улосвыл ёзэзлэн кивалтӥсез, Кун Кенешлэн витетӥ ӧтчамезлэн тӧроез Владимир Невоструев верамъя, Кун Кенешлэн выль ӧтчамезлэн нырысетӥ сессиез ортчыны кулэ 20-тӥ куарусён бере, соку ик тодмо луоз, кин Кун Кенешын кивалтон интыосты басьтоз. Сыӵе решение кутӥське партконференциын.

Одӥг мандатэн округъёсъя вормемъёс:

  1. Буммашевской округ — Фарит Губаев («Огъя Россия»)
  2. Индустриальной — Андрей Смирнов («Огъя Россия»)
  3. Азинской — Наиль Мухамедзянов («Огъя Россия»)
  4. Машиностроительной — Карен Манукян («Огъя Россия»)
  5. Металлургической — Сергей Лукьянчиков («Огъя Россия»)
  6. Октябрьской — Владимир Паршин («Огъя Россия»)
  7. Центральной — Сергей Клементьев («Огъя Россия»)
  8. Рабочей — Зоя Степнова («Огъя Россия»)
  9. Южной — Ленар Сафин («Огъя Россия»)
  10. Нефтяной — Владимир Нельзин («Огъя Россия»)
  11. Автозаводской — Александр Прозоров («Огъя Россия»)
  12. Молодёжной — Андрей Лямин («Огъя Россия»)
  13. Майской — Сергей Зуев (ассэ ачиз ӵектэмын)
  14. Заречной — Марина Котельникова («Огъя Россия»)
  15. Западной — Владимир Пальшин («Огъя Россия»)
  16. Левобережной – Денис Анищук (ассэ ачиз ӵектэмын)
  17. Можга город — Андрей Крюков («Огъя Россия»)
  18. Южной — Сергей Мусинов («Огъя Россия»)
  19. Северной — Алексей Прасолов («Огъя Россия»)
  20. Балезино ёрос — Алексей Санников («Огъя Россия»)
  21. Вотка ёрос — Владимир Варламов (ассэ ачиз ӵектэмын)
  22. Глазов ёрос — Владимир Невоструев («Огъя Россия»)
  23. Дэри ёрос — Дмитрий Кузнецов («Огъя Россия»)
  24. Эгра ёрос — Рашид Абашев («Огъя Россия»)
  25. Кизнер ёрос — Андрей Ураськин («Огъя Россия»)
  26. Пичи Пурга ёрос — Павел Чушъялов (КПРФ)
  27. Можга ёрос — Алексей Вершинин («Огъя Россия»)
  28. Сарапул ёрос — Юрий Фёдоров («Огъя Россия»)
  29. Ува ёрос — Олег Бобров («Зэмлыко Россия»)
  30. Якшур-Бодья ёрос — Софья Широбокова (ассэ ачиз ӵектэмын).
  31. Зинаида Рябинина

Туспуктэм: udmurt.ru

 

Удмурт Дунне
By Удмурт Дунне 11 сентября, 2017 15:22
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<