Удмурт лулчеберетъя центр, Ашальчи Окилы сӥзем сипелет, Йӧскалык библиотекаез тупатъян… Кызьы пусъёзы Удмуртилэн кунлык басьтэмез дырысен 100 ар тырмонэз?

Удмурт Дунне
By Удмурт Дунне Сентябрь 19, 2017 10:10

Удмуртилэн кунлык басьтэмез дырысен 100 ар тырмонэз пусйыны дасяськонъя ужась группалэн кенешез люкаськылӥз. Со сярысь ивортӥз комиссилэн ёзчиез, «Удмурт Кенеш» огазеяськонлэн тӧроез Татьяна Ишматова исполкомын.

Удмуртилэн кунлык басьтэмез дырысен 100 ар тырмонэз пусйыны дасяськонъя ужась группалэн кенешез люкаськылӥз.

Кызьы ивортылӥм ни, бадӟым юбилейлы дасяськон сярысь А. Бречаловлы нырысь ик поттылӥз «Удмурт Кенешлэн» азьвыл тӧроез Валентин Тубылов «май пумиськонын». Соку Александр Бречалов та малпанлы дурбасьтӥз но Валентин Кузьмичлы соку ик оргкомитетэ пырыны дэмлаз.

Та дыр ӵоже мерлыко огазеяськонъёс юбилеез пусъёнъя асьсэлэсь ӵектонъёссэс сётӥзы. Кылем арняе соос экспертъёсын эскеремын вал.

— Азьвылгес кивалтӥсь вералляз ке но, ужрадъёс юбилейлэн пуштросэзлы тупаны кулэ шуыса, пӧлаз котькыӵеез вал, — вера Татьяна Витальевна. — Кин мар куре: стадион но, сюрес но… Но шумпотымон, «Удмурт Кенешлэн» ӵектонъёсызлы дурбасьтэмын. Нырысь ик вераськон мынэ Удмурт лулчеберетъя центр сярысь. Со сяна, йылаз-пумаз вуттыны кулэ Йӧскалык библиотекаез тупатъянэз. Юрттэт басьтоз Можга педколледж но. Чакламын удмурт литературая хрестоматия, кыллюкамъёс, чеберлыко литератураысь произведениосты поттыны, удмурт телевидениын выль программаос кылдытыны. Нош Ижысь Лятушевичлэн юртаз усьтэмын луыны быгатоз литературая музей! Удмурт азьветлӥсьёс озьы ик куро Ижкарын нырысетӥ нылкышно кылбурчилэсь Ашальчи Окилэсь синпелетсэ пуктыны.

Егитъёсты шумпоттыны кулэ мукетыз ивор — «Шундыкар» лагерь табере быдэс смена ӵоже — 3 арня котыр — ортчылоз! Кивалтӥсь озьы ик дурбасьтэ удмурт егитъёслэн «Удмурт-а мон?» форумзылы. Со асьме шаерын одӥг пол ортчылӥз ни, вераськемын, ноябрь толэзе со нош ик шаплы удмурт егитъёсты люкалоз шуыса. Но та ваньмыз ӧвӧл на, тунсыко ӵектонъёсты вань ке, дыртэлэ — вазиське «Удмурт Кенеше».

 

Нялтас вераса, 2020-тӥ арын Ижкарын ортчыны кулэ вань удмуртъёслэн конгрессы, умой луысал отчы вань фин-угор кунъёсысь куноосты ӧтьыны. Вылаз ик, та аре ик тупа фин-угор конгресс но — со Эстониын ортчыны кулэ.

 

 

Зинаида Рябинина
Туспуктэм udmurt.ru

 

Удмурт Дунне
By Удмурт Дунне Сентябрь 19, 2017 10:10
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<