Шӧкыч: Таблеткаен йырин

Удмурт Дунне
By Удмурт Дунне 22 сентября, 2017 17:10
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Йӧнатыны ку гинэ уд мыны, одно ик Пуклёк Марьяез пумиталод.

Нош туннэ Пуклёк Марьяен маршрутной таксиен городэ мыныны ӵош кемдӥм. Пуксемез бере ик 80 аресъем песянай ивортыны косӥз, Кабаниха дугдылонние вуизы ке. Но солэсь куремзэ нокин пеляз понымтэ, шӧдске. Пырась-потасез ӧвӧлэн микроавтобус дугдылытэк ширтэ. Городэ вуон азьын гинэ Пуклёк Марья куаразэ поттӥз: кема на-а Кабаниха дугдылонниозь?

Песянайлэсь куронзэ тодазы вайыса, автобусын пукисьёс шуэрскизы, шофёрез выльысь берытскыны куризы. Нош соиз пумитъяське, котькытчы дугдылэме уг луы, шуэ. Адямиос валэкто ини: песянайлэн йырсазьыз лябӟемын, йыромыны шедиз ке? Шофёр нош аслэсьтыз: кин бензин понна тыроз, эшшо ке графикелэсь бере кылё…

Пумен шофёр, секытэн ке но, машиназэ берыктӥз. Ширтӥзы Кабаниха дугдылонни пала. Табере Пуклёк Марьяез косӥськомы потыны, вуим, пӧй. Нош со кутскиз ук кесяськыны ваньмы шоры:

— Малы монэ васькытыны куриськоды!?

Мон нылы доры городэ мынӥсько. Шузи кожаськоды-а, мар-а монэ?

Чидамтэеным мон но вераськонэ пыри:

— Пуксемды бере асьтэос куриды ук Кабаниха дугдылонние вуэммы сярысь ивортыны…

— Нылы, та остановкаез ортчыкум, таблеткаме юыны косӥз. Соин гинэ Кабаниха дугдылонниез юай…

Пуклёк Марья таблеткаоссэ сумкаысьтыз поттӥз но, вуэн гылтыса, юиз. Собере шофёрлы киыныз шонтыса, быдэс автобус тыр кеськиз:

— Вырӟе ни, городэ бере кылём!

Николай Трубачев

Удмурт Дунне
By Удмурт Дунне 22 сентября, 2017 17:10 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<