Сьӧлта ёросын роботъёсын 4 школаосын выро

Удмурт Дунне
By Удмурт Дунне 27 сентября, 2017 14:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Сьӧлта ёросысь Узиысь Д. Шутов Ю. Юртаев дышетӥсеныз.

Дышетӥсьёслэн ёрос конференцизы дыръя нылпиос ас киосынызы бичам машинаосынызы тодматӥзы.

Узиысь 9-тӥ классын дышетскисьлэн Даниил Шутовлэн роботэз вань адӟемзэ гожтыса кельтэ. Та выллем машина сюбег, мур, кышкыт интыосыз, кытчы адями пырыны уг быгаты, эскерыны быгатэ, шуиз пияш. Егит конструктор возьматӥз машинаезлэсь быгатонлыкъёссэ. Робот залэтӥ ворттылӥз, ӝӧк, пукон кукъёсы огпол но ӧз мырӟиськы.

Кӧлесур школаын машинаос бичаны дышетэ Виктор Ефремов. Со доры тодон-валан басьтыны мыло-кыдо ветло 6-тӥ классын дышетскисьёс Даниил Девятых но Алексей Лекомцев. Данииллэн роботэз кагаз вылын лэсьтэм гож вылтӥ мынӥз, гож йылпумъяськем интыын дугдӥз но берыктӥськыса азьвыл ортчем пытьыетӥз эшшо ортчиз на. Машинаез тазьы ветлыны куриз ачиз Даниил, солы программа гожтыса. Нош А. Лекомцевлэн роботэз бумага вылын гожъёс, пӧртэм фигураос лэсьтэ. Сьӧлталась 5-тӥ классын дышетскисьлэн Роман Эсенбаевлэн машинаез, «тушмонэз» адӟыкуз, ыбылӥськыны кутске.

— Робот бичанъя кружокъёс ужало Халдыын, Узиын, Кӧлесурын, Сьӧлтаын, — вера ёросысь дышетонъя управлениысь информатизацияя методист Дмитрий Эсенбаев. — Роботъёсын вырыны мылкыд карись пиналъёс трос, но ваньзэ кутыны ум быгатӥське — комплектъёс тырмыт ӧвӧл. Робот бичан тӥрлык туж дуно усе, ог 50 сюрс манет. Соин школаос сое басьтыны шугъясько. Собере, трос пиналъёс робот лэсьтонэз шудон кожало, но та удыс математикаен, программированиен зол луэмез куре. Ёросын 2012-тӥ арысен робот бичанэн выриськом ини ке, 2-тӥ арзэ пиналъёсмылэсь быгатонлыкъёссэс элькун вожвылъяськонын эскериськом. Вормонъёсмы вань ини.

Василий Девятов

Удмурт Дунне
By Удмурт Дунне 27 сентября, 2017 14:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<