Федерация Кенешын Удмуртилэн оскем муртэз луиз Любовь Глебова

Удмурт Дунне
By Удмурт Дунне 19 сентября, 2017 13:20

Со сярысь вера Удмуртилэн Тӧроезлэн Александр Бречаловлэн указэз.

Любовь Глебова но Александр Бречалов.

— Любовь Глебова — политика удысын трос аръёссэ ужам, тодӥсь-валась адями, — шуиз Александр Бречалов. — Соин валче Удмурт шаер Федерация Кенешын яркытгес адӟиськыны кутскоз.

Александр Владимирович пусйиз на, Любовь Николаевна пуктэм ужпумъёсты котьку пумозяз быдэстэ шуыса.

Любовь Глебова матысь дыре ик ужаны кутскоз ни, со кылдытоз нимысьтыз карта, нырысь ик отчы пырозы шаерлэн лэчыт ужпумъёсыз, калыклэн сюлмаськонъёсыз. Уго быръёнъёс азьын сётэм кылъёсты быдэстоно, шараям ужпумъёсты сэрттоно-пертчоно.

Вакчияк:

Любовь Глебова вордӥськиз 1960-тӥ арын Нижний Новгород улосвылысь Арзамасын. Дышетскемезъя ӟуч кылъя дышетӥсь. Педагогика наукаосъя доктор.

1998-тӥ арын Россиысь Правительстволэн Тӧроезлэн кенешчиез луыса ужаз.

1999-тӥ-2001-тӥ аръёсы — Кун Думаысь депутат, Дышетонъя но наукая комитетлэн тӧроезлэн воштӥсез.

2001-тӥ-2005-тӥ аръёсы — Россилэн Президентэзлэн Приволжск федерал округъя оскем муртэзлэн воштӥсез.

2008-тӥ-2012-тӥ аръёсы — Дышетонэз но наукаез эскерись федерал службалэн кивалтӥсез.

2012-тӥ-2015-тӥ аръёсы — Федерация Кенеше Пенза улосвыллэсь ыстэм мурт.

2015-тӥ арысен кивалтӥз СНГ-лэн ужъёсызъя, калык кусыпъёсъя федерал агентствоен.

Сергей Захаров
Туспуктэм: udmurt.ru

Удмурт Дунне
By Удмурт Дунне 19 сентября, 2017 13:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<