Быръёнъёс бере: Кыӵе тусыз Удмуртиысь Кун Кенешлэн?

Удмурт Дунне
By Удмурт Дунне 28 сентября, 2017 11:02

Кун Кенешысь 6-тӥез ӧтчам, азьлоеныз ӵошатыса, пичигес кылӥз: 90  интые — 60 депутат. Эшшо маин со пӧртэм луэ?

Выль быръем депутатъёс пӧлын 8-эз — нылкышноос. Калыкен быръемъёслэн шоро-куспо арлыдзы — 49 арес. Таяз ӧтчамын тросгес луизы 40-50 аресъемъёс: 5-тӥ ӧтчамын — 23,3 процентэз ке вал, али 31,7 процентэз. Нош 50 ареслэсь ортчем парламентарийёс кулэсмизы — 34,5 процентэз гинэ кылӥзы.

Тужгес егитэзлы депутатлы — 31 арес, со Кезысь сыр поттон заводысь управляющийлэн воштӥсез Игорь Стрелков. 5-езлы депутатъёслы 35 арес тырмымтэ на.

Ужан интыоссыя учконо ке, таяз ӧтчамын тросгес луизы промышленность но лэсьтӥськон удысъёсын тыршисьёс: вал 33,3 процент, луиз 38,4 процент. Та дыре ик ӧжытгес кылизы бюджет но кун кивалтэт секторын ужасьёс: 30 процентысь 23,3 процент кылизы. Гурт удысын ужасьёслэн лыдзы йылӥз 7,8 процентысь 10 процентозь. Таин ӵош ик кулэсмизы общественной огазеяськонъёслэн ёзчиоссы — 5,6 процентысь 3,3 процентозь.

Депутатъёс пӧлысь 1-ез 6-тӥ ползэ бырйиськиз ни, со — Софья Широбокова. 5-тӥ ӧтчамын со Кун Кнешлэн Тӧроезлэн воштӥсез вал, кивалтӥз  бюджет понна кыл кутӥсь комиссиен.

3 депутат понна таиз ӧтчам 5-тӥез луэ, 6-ез понна — 4-тӥез, 5-ез понна — 3-тӥез. Но данакез парламентарийёс быръемын нырысьсэ — 26 мурт. 60 депутат пӧлысь 31-ез ужамын 5-тӥ ӧтчамын но.

Сергей Захаров

 

 

 

Удмурт Дунне
By Удмурт Дунне 28 сентября, 2017 11:02
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<