1-тӥ сентябре элькунысьтымы 1 сюрс 500 полицейской югдурез уте

Удмурт Дунне
By Удмурт Дунне Сентябрь 1, 2017 11:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

 Та нуналлы дасяськонзэс соос мытӥзы вазен ик.

Гужем вань дышетон организациосын ремонт мынӥз. Котькуд лэсьтӥськисез  югдурез утисьёс сӥс пыр поттӥзы. Кыл кутон улэ сюрылэмъёс школаосты но нылпи садъёсты тупатъянлэсь палэнтэмын вал.

— Эскеримы школаын ужасьёсты но. 11 сюрс 700-лэсь ятыр адями пӧлысь 35-ез ужысь мозмытэмын. Соос пӧлын визьнодасьёс ӧвӧл. Бадӟым люкетэз — выж миськисьёс, пӧраськисьёс. Соос вылэ лушкаськемзы, матысь адямизэс тышкамзы, усыкмытӥсь суретъёсты вӧлмытэмзы понна уголовной ужъёс ӝутылэмын вылэм, — вераз шаерысьтымы полицилэн кивалтӥсезлэн воштӥсез Сергей Козлов.

1-тӥ сентябре югдурез утисьёслы юрттӥськозы 200 пала солдатъёс но Нацгвардиысь пиос. Соос котькуд дышетон юрт борды юнматэмын луозы. Пырась-потасьёсты чаклам сяна, эскерозы машина сылон, сюрес вамен выжон интыосты, азбаръёсты.

— Та нуналэ Россиын кудӟытӥсь юонъёсын вуз карыны алэмын. Зэм, арысь аре та куронэз тӥясьёс луо. Соин ик школаос котырысь вань вуз карон интыосты учкыса потомы, — ватсаз Сергей Григорьевич.

Нуналлы быдэ шаерамы 10-15 мумы-бубы полицие вазиськылэ нылпиез ышем пумысен.  Дышетскон ар кутскем бере таӵе учыръёс эшшо йыло.

— Покчи классъёсы ветлӥсь пиналъёсты одно ик келяно-пумитано. Пиналлы валэктоно: кыӵе сюресъёстӥ ветлоно, нош кыӵеосызлэсь палэнсконо. Анай-атайёслы тодоно нылпизылэн эшъёсызлэсь телефон номеръёссэс.

МВД-ысь Быдэ вуымтэосын ужанъя ёзэн кивалтӥсь В. Малькова ватсаз на: дневниклэн нырысетӥ бамаз пиналлэсь телефон номерзэ одно ик гожтоно, нош улон интыез пусйыны уг яра. Вал сыӵе учыр: йыртэмась нырысь нылпилэсь рюкзаксэ капыртэ, собере солэн улон интыяз капчиен лушкаськыны пыре. Угось усьтонъёс рюкзаказ вал, адресэз дневникын гожтэмын.

Ольга Корепанова

 

Удмурт Дунне
By Удмурт Дунне Сентябрь 1, 2017 11:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<