Вуж Мӧнья гуртысь киужъёсъя юрт быгатоз гуртэ уксё кыскыны

Киужъёсъя юртлэн кивалтӥсез Н. Тарасов возьматэ эктӥсь мунёез.

Вуж Мӧнья гуртысь киужъёсъя юрт шаерамы огез тодмоез луэ. Солэн уженыз тодматскыны вуылӥз Удмуртилэн Тӧроезлэсь ужзэ быдэсъясь Александр Бречалов.

Та юрт усьтэмын 1992-тӥ арын, али со тодмо луэ ни куролэсь лэсьтэм эктӥсь мунёосыныз, пулэсь вӧлэм синпелетъёсыныз. Юртлэн кивалтӥсез Н. Тарасов — нырысетӥосыз пӧлысь, кин дэмлаз шаерамы ортчытъяны парк синпелетъёсъя фестивальёс. Али татын выро 16 пӧртэм киужъёсын, лэсьтэм ужъёссэс пӧртэм адӟытонъёсын вузало.

— Сыӵе проектъёсты, кудъёссэ нуэ гуртысьтыды Киужъёсъя юртты, ми юрттом азинтыны. Со одно ик бюджет чотын лэсьтӥськыны кулэ ӧвӧл, — пусйиз Александр Владимирович. — Тӥляд ужды — ӵектыны милемлы тунсыко проектъёстэс. Нош ми юрттом шедьтыны уксё.

Та вие нош ик тодэ лыктэ Эгра ёросысь Сэп гурт, культурая юртын ужасьёс культреггерен Александр Юминовен юрттэменыз ялан кыӵе ке грантъёс вормыло. Бырем гуртъёслы сӥзем музейзылы соос 2 миллион манет утӥзы, али 700 манет вормиз мукетыз проектсы — гордсюен вырон мастерскоез усьтон.

Тодады вайытом, али Александр Бречалов ужпум пуктӥз: котькуд ёрос тунсыко проектъёсыныз, ужъёсыныз дораз арлы быдэ 10 миллион манет кыскыны кулэ.

Сергей Захаров

Туспуктӥз Э. Карипов