Шаерамы 135 сюрс адями улэ Интернеттэк но сотовой связьтэк

Удмурт Дунне
By Удмурт Дунне Август 2, 2017 16:32

Югдурез тупатон вылысь Информатизацияя но связья агентство выль проектъёссэ улонэ пыӵатыны кутскиз.

Интернет пумен котькытчы вӧлмоз.

Нырысетӥез проект — 14 выль станциосты пуктон. Соос кылдозы 9 муниципал кылдытэтъёсысь 14 поселениосын: Пичи Пурга ёросысь Улын Юриын но Ляльшурын, Можга ёросысь Пазялын но Чурайгуртын, Шаркан ёросысь Быгыын но Сюрсовайын, Сарапул ёросысь Шадриноын, Ува ёросысь Чеканын, Якшур-Бӧдья ёросысь Варавайын но Порваын, Дэри ёросысь Соколын, Красногорск ёросысь Бараныын. Котькудӥз станция 400 пала адямилы герӟет сётоз.

— Та гуртъёс юнме шорысь быръемын ӧй вал, — валэктӥз агентстволэн кивалтӥсез Михаил Фоминов. — Отын огаз но сотовой связь но, Интернет но ӧвӧл. Туала арын таӵезэ син азе пуктыны секыт ини. Выль станциос 9 сюрс пала гуртоослы чакламын. Соос капчиен 3G Интернетэ пыраны, котькытчы жингыръяны быгатозы.

Ужъёс огсыр мед азинскозы шуыса, М. Фоминов муниципал кылдытэтъёслэсь йыръёссэс шаплы кариськыны куриз. Выль аппаратураез пуктон понна соослы инты дасяно, отчы электроезъёс кыскон сярысь сюлмаськоно.

— Малы та проект борды басьтӥськимы? — азьланьтӥз веранзэ кивалтӥсь. — Сотовой операторъёслэн пичи гуртъёсын выремзы уг поты. Угось соослэн отын барыш поттыны луонлыксы ӧвӧл. Улӥсез ӧжыт, нош выль станциез пуктонлы миллион манетлэсь уногес кошке. Озьы-а, тазьы-а, но ужпумез сэрттоно-пертчоно. Проект бордын 2 ар пала тыршимы. Элькун бюджетысь та ужъёслы 10 миллион манет чакламын, сотовой операторъёс эшшо тросгес коньдонзэс висъялозы — 54 миллион манет. Туэ ар пумозь вылӥ пусъем поселениосын герӟаськыны луоз ни!

Нялтас вераса: Интернетэз но сотовой связез элькунамы паськытгес вӧлмытон понна законъёсы воштонъёс пыртыны чакламын. Соосты Кун Кенеш сӥзьыл ортчоно сессияз эскероз. Выльдӥськонъёс юрттозы связен герӟаськем объектъёсты пуктонъя документъёсты ӝог дасяны. Азьвыл та ужъёслы 2 арлэсь ятыр кошкылӥз, нош азьланяз 7 толэзь тырмыт луоз.

Кыкетӥез но проект герӟаськемын Интернетэн. 227 пичи гуртэ (улӥсез —  250-ысен 500-озь) связь кыскемын луоз. «Ростелеком» огазеяськонлэн Удмуртиысь ёзэз ивортэмъя, та дырлы 54 гуртэ Интернет вуэмын ни.

— Но туэ ваньзэсты шумпоттыса ум вуэ на. Проект улонэ пыӵалоз 2019-тӥ арозь. Озьы 74 процентаз гуртъёсын — нош соос шаерамы  ваньмыз-ӧвӧлэз 1 сюрс 900 — ивор вотэс ужалоз, — ивортӥз М. Фоминов.

Ольга Корепанова

Туспуктӥз А. Горбунов

 

Удмурт Дунне
By Удмурт Дунне Август 2, 2017 16:32
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<