Федерал программая Пичи Пургалан пуктэм юртъёс тупатъямын

Пичи Пургалан пуктэм юртъёс тупатъямын

Пичи Пурга ёросысь федерал программая пуктэм юртъёсы Удмуртилэн Тӧроезлэсь ужзэ быдэсъясь Александр Бречалов оштолэзе вуылӥз вал. Шуиз: вань шекъёсты тупатоно. Кыӵе али югдур?

Пичи Пурга ёросын куашкан калэ вуэм коркаосысь выль юртъёсы выжтон вылысь федерал программая пуктэмын 12 корка: Пичи Пургалан, Кечолын, Брангуртын, Гожнялан. Но та дырлы Пичи Пургалась гинэ юртъёсын тупатъян ортчытэмын.

— Выжъёсмес ӝутӥзы, сьӧросэз коркаямы пыртӥзы, ог 2 арня талэсь корка вӧзтӥмы канава кыризы, табере гулбечамы ву уг пыры ни, — вера Елена Савинова.

Туннэ та коркаосы нош ик вуиз Александр Бречалов, выльысен ортчиз. Зэм но, ваньмыз тупатъямын-выльдэмын. Но кызьы? Толалтэ возьматоз ай, макем шуныт луоз коркаосын.

Мария Векшина

Туспуктэмез: udmurt.ru