Ижысь тӥрлык — космодромын

Удмурт Дунне
By Удмурт Дунне Август 18, 2017 12:12
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Удмуртилэн Тӧроезлэсь ужзэ быдэсъясь Александр Бречалов вуылӥз Ижысь радиозаводэ, предприятиен тодматскиз, ужасьёсын пумиськиз.

Ижысь радиозаводын оборона удыслы пӧртэм пумо тӥрлык потто. Но берло дыре татын нимысьтыз саклык висъяське огшоры улонын кутӥськись вуз лэсьтонлы но.

Завод ракетаосын но космосын ужаны тупась тӥрлык поттэ, навигаторъёс, радио лэсьтэ. Со сяна, татын чугун сюрес вылын герӟаськыны система но, сотовой связь медаз бырылы шуыса, сое пыдлось гуртъёсы кыскон понна аспӧртэм аппаратура но бичало. Россиын сяна, берлоеныз тунсыкъяськыны кутскемын ни Африка, Европа, Южной Америка. Сое кыскон дуно уг усьы, шуэ заводлэн директорезлэн воштӥсез Сергей Невьянцев.

Заводын вылӥ ӟечлыко камера но бичало. Таиз тужгес кулэ ракетаослы, кызьы ужамзэс музъем вылысен адӟытон понна. «Восточный» космодромын камералэсь ужамзэ компьютер пыр Александр Бречаловлы но возьматӥзы.

Спецтехника сяна, калыклы улонын кулэ луись тӥрлык поттонэн но завод выре. 2016-тӥ арын татын вань поттэм вуззы пӧлысь 58 процентэз огшоры улонлы чакламын вал. Шаерысьтымы мукет предприятиосын ӵошатоно ке, со тужгес трос луэ. Та удысэз уката но паськытатон сярысь кенешизы заводын. Александр Бречаловлэн советникез Александр Свинин журналистъёслы шуиз:

— Али предприятиосты азинтыны луонлыкъёсъя карта дасян борды басьтӥськиськомы. Отын котькуд вузэз нимысьтыз пусъёмы, учкомы кинлы со тупа, кытчы сое келяно.

Куд-ог предприятиос сертификат басьтыны шугъясько. Мукетъёсыз вуз поттонлэсь ас дунзэ уськытыны уг быгато, транспортлы ик уксё трос кошке, шуо. Куинетӥосызлы дуннеысь рыноке сюрес лёгыны юрттоно. Луонлыкъёсъя карта кылдӥз ке, вань та шугъяськонъёс уката умой адӟиськозы, соосты палэнтон бордын ужаны капчигес луоз. Валтӥсь ужпум: калыклы улонын кутӥськись вуз уногес поттыны кутсконо, сое палэнысь ичигес мед ворттомы шуыса. Матысь дыре та ласянь валче ужаны чакламын радиозаводэн.

Сергей Захаров

Туспуктэм: udmurt.ru

 

Удмурт Дунне
By Удмурт Дунне Август 18, 2017 12:12
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<