Ижын ортчиз терроризмен нюръяськонлы сӥзем кенешон ортчиз

Удмурт Дунне
By Удмурт Дунне Август 31, 2017 13:03

Терроризмен нюръяськонлы сӥзем кенешон ортчиз Удмуртиысь Транспортъя но сюрес хозяйствоя министерствоын. Ужрадэ пыриськиз Удмуртиысь Правительстволэн Тӧроезлэсь ужзэ быдэсъясь Я. Семёнов.

Я. Семёнов нимысьтыз сак луыны куриз 1-тӥ сентябрь азьын.

2005-тӥ арысен арлы быдэ 3-тӥ сентябре пусйиське Терроризмен нюръяськон нунал. Со сӥземын Бесланысь школаын быремъёслы. 2004-тӥ арын 1-тӥ сентябре  террористъёс Бесланысь 1-тӥ школаез котыртӥзы. Заложнике сюриз 1 сюрс 128 мурт, 334-ез тушмон ки улын быриз.

Со дырысен террористъёс Россиез одӥг пол гинэ ӧз курдатъялэ ни: 2010-тӥ арын пуштытэмын вал Москваысь метроысь Лубянка станция, 2011-тӥ арын Домодедово аэропортын быриз трос адями,  2013-тӥ арын терактъёс вал Волгоградын, туэ быдэс Россиен валче кайгыримы Санкт-Петербургысь метроын бырем адямиос понна. Террористъёс бӧрсьысь бӧрсе сьӧд ужъёссэс лэсьтӥзы ни Европаын. Кенеше люкаськемъёс тодазы вайизы 1981-тӥ арын Сарапулысь школаын заложнике сюремъёсты но.

Я. Семёнов нимысьтыз сак луыны куриз 1-тӥ сентябрь азьын. Транспортъя но сюрес хозяйствоя министерствоез куриз: транспортын кышкыт учыръёсты алонъя ужпумъёс кутоно.

Калыкез кышкытлыклэсь утён понна кыӵе ужъёс быдэсъяло ОМОН но СОБР огазеяськонъёс — ивортӥз Нацгвардиысь ОМОН-лэн командирез, 3 «Мужество» орденъёслэн кавалерзы, полициысь полковник О. Матвеев. Кышкытлыклэсь утиськон огшоры калык бордысь но потэ, шуиз со. Адямиослэн сак луэмзы но кышкыт тушмонэн нюръяськыны юрттэ.

Тодады вайытом, терроризмен нюръяськон нунал Ижын кутскоз 8.00 часын Ялан ӝуась тыл дорын.
Митинг дыръя буре ваёзы террорен йырин бырем муртъёсты, Россиысь Геройлэн Ильфат Закировлэн мемориал пулэз доры венок понозы. 13.00-14.00 часъёсы озьы ик митинг ортчоз ожгарчиослы-интернационалистъёслы сӥзем синпелет дорын.

Ангелина Снигирёва

Туспуктэм: mindortrans.su

 

Витьымтэ куноос

Удмурт Дунне
By Удмурт Дунне Август 31, 2017 13:03
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<