«ГуртFEST»: Куноос понна выльысен улӟиз 105 аръем тӧл вуко

Удмурт Дунне
By Удмурт Дунне Август 15, 2017 13:08
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

13-тӥ гудырикошконэ архитектурая Лудорвай музей-заповедникын гурт лулчебертлы сӥзем 2-тӥез калыккуспо «ГуртFEST» фестиваль ортчиз.

 Фестиваль яркыт но шулдыр пӧрмиз. Музейысь ӧнерчи Анастасия Иванова верамъя, нырысь ик лыктэм куноос огъя шествиен ортчизы, собере музейын ужасьёс 105 аръем тӧл вукоез лэзизы. Калык шумпотыса учкиз вуколэн лопыръяськыса ужамез шоры, угось «песятаез» юнме шорысь уг йӧтыло ини.

Кияса ёросысь Карамас-Пельга гуртысь «Инвожо» фольклор ансамбль удмуртъёслэсь вашкала муш утён гурзэз кырӟаз.  Озьы ик фольклор концертэ пыриськизы шаерысьтымы ёросъёсысь, Россилэн пӧртэм сэрегъёсысьтыз но палэнысь вуэм куноос. Кылсярысь, фестивале вуылӥзы Финляндиысь «IKIRUUHI» дуэт но «ÄÄRI» группа, Эстониысь калык крезьгуръя «MOIZEKAD» ансамбль но Ханты-Мансийскысь этнографияя «Торум Маа» музейысь коллектив.

Паськыт возьвылын удмурт, бигер, бесерман, пор, ӟуч калыкъёслэн азбаръёссы усьтӥськизы.

Паськыт возьвылын удмурт, бигер, бесерман, пор, ӟуч калыкъёслэн азбаръёссы усьтӥськизы. Котькудаз азбарын пӧртэм сиён-юон веръяны луонлык вал: бигер чак-чак, удмурт перепеч но табань, сылалтэм кияр, поръёс виртыремен куноязы.

Лудорвае вуэм калык пӧртэм площадкаосын шулдыръяськиз. «Чечы азбарын» ческыт чечыез веръяны но басьтыны луонлык вал, нош аспӧртэм киужъёсын тодматскыны но соосты басьтыны луиз «Усточигурт» площадкаын. Тужгес покчиослы «Чача сэрегын» уно мастер-классъёс ужазы, басмалэсь мунё лэсьтыны дышетӥзы но калык шудонъёсын шудӥзы. Озьы ик спортэн эшъяськисьёс понна «Гурт шудонъёс» площадка ужаз, нош ӟуч калыклэн гурт улонэныз тодматскыны луиз «Веме ӟуч коркан» площадкаын. Отын ик турын куарен парем чаен но сутэр варенняен куноязы.

Куноос пыриськизы пӧртэм мастер-классъёсы.

Шулдыръяськонэ вуэмъёсты паймытӥзы туала калык дӥсь возьматонъя ужрадын. Якшур-Бӧдьяысь Валентина Силина «Чильдэт», Эгра черкогуртысь Надежда Касаткина «Музъем пужы» коллекциоссэс калыке поттӥзы. Озьы ик, Татьяна Москвина но Дарали Лели яркыт но тунсыко вурем дэремъёссэс возьматӥзы.

Этнодискотекаын шулдыръяськон бер ӝытозь кыстӥськиз.

Наталия Самсонова

Туспуктӥз А. Горбунов

 

Удмурт Дунне
By Удмурт Дунне Август 15, 2017 13:08
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<