Элькунамы йыртэманъёс 19 процентлы ӧжытгес пусъемын

Удмурт Дунне
By Удмурт Дунне 15 августа, 2017 14:35
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Валтӥсь следователь Владимир Никешкин.

Валтӥсь следователь Владимир Никешкин верамъя, кылем арен ӵошатыса, туэ элькунамы йыртэманъёс 19 процентлы ӧжытгес пусъемын.

Но таин валче  следовательёслэн ужзы ичи кылемын ӧвӧл. Угось секыт йыружъёс будэмын, котькуд 5-тӥез учыр герӟаськемын адямиез жугонэн, виёнэн но сантэманэн. Соосты ӝог сэрттыны-пертчыны юртто туала технологиос. Озьы шараямын азьвыл аръёсысь йыружъёс: 12 адямиез виён, 6 эриктэман.

— Туэ лэсьтэм вань секыт йыружъёс сэрттэмын-пертчемын, сьӧсьёс пытсэт сьӧры келямын. Синмаськымон тыршо управленимылэн Можга но Вотка городъёсысь, Дэри но Ижысь Первомай ёросысь ёзъёс. Кылсярысь, судэ тужгес трос уголовной уж — 82 — келязы можгаос, — шуиз Владимир Анатольевич.

Следовательёслы юрттӥ-ське калык но. Управленилэн «оскон телефонэз» уг чалмылы. 6 толэзь ӵоже отчы 5 сюрслэсь ятыр ивортон вуиз. Котькудӥз учыр тыро-пыдо эскеремын, соосъя 929 уголовной уж ӝутэмын. Берло дыре калык ӵем ӝожтӥське эмъясьёс вылэ: 3 уж судэ келямын, эшшо 8-эз бордын следовательёс тыршо на. Котькуд 9-тӥез ивортон герӟаськемын Интернетысь «кулон группаосын». Юрттэт курыса, «оскон телефонэ» вазиськыло анай-атайёс но, быдэ вуымтэос но.

Шаерамы уг сино экономикаын законэз тӥян учыръёс. 77 мурт кыл кутон улэ кыскемын. Одӥгъёсыз ЖКХ удысын йыртэмало, мукетъёсыз игровой бизнесэн лушкем выро вылэм. Шараямын кескич кивалтӥсьёс но. Соос уждун сётъянлэсь но барыш понна выт тыронъёслэсь пегаллям. Таӵеосты кырмон вылысь Следствиея управление Ужъя кун инспекциен валче тырше. Озьы туэ 102 миллион манет элькунлэн бюджетаз берыктэмын.

— Трос дырмес но ӟигармес быдтӥз эмъюмъёсын вуз карись «Фармаимпекс» фирма. Выт тыронъёслэсь пегаса, солэн кивалтӥсез бадӟым огазеяськонзэ пичи огазеяськонъёслы люкем. Озьы бюджетлы 130 миллион манет тыр изъян лэсьтэм. Но та учырез шаплы шараямы, коньдонэз элькунмылэн кисыяз берыктӥмы, — вераз Владимир Никешкин.

Кенешонын, лыдпусъёс сяна, чузъяськизы шуныт кылъёс но. Правительстволэн Тӧроезлэсь ужзэ быдэсъясь Виктор Савельев, Кун Кенешлэн Тӧроез Владимир Невоструев, элькунмыя федерал инспектор Дмитрий Мусин но мукет кивалтӥсьёс ӟечкылазы следовательёсты праздникенызы. Нош 8 егитъёслы — 2 пилы но 6 ныллы — сётӥзы удостоверение. Табере соос зэмос следовательёс луизы.

Ольга Корепанова

 

 

Удмурт Дунне
By Удмурт Дунне 15 августа, 2017 14:35 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<