Зинаида Рябинина: Ӝыны дунын… кулон

Удмурт Дунне
By Удмурт Дунне Июль 8, 2017 16:49
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Зинаида Рябинина, валтӥсь редактор

Пичи дырысен весь вераллязы: улонын ваньмыз потэ ачид бордысь гинэ! Нош аръёс ортчемъя валаськод: котьку уг, улонын вань Удалтон. Улонын гинэ ӧвӧл, кулонын но.

Та сярысь воксё малпаськем уг поты бен, (ваньмылэн асьмелэн 100 ар улэммы потэ), но нуналмысь луись шуэрес учыръёс амалтэк малпаськонэ вутто. Татарстанын ӝуам автобусын  бырыны шедиз 14 адями. Нырысь шуизы вал 13. Кытысь потӥз эшшо одӥг мугор — Ижысь 14 аресъем нылаш? Малы со нырысь ӧз сюры вал  быремъёслэн списоказы?

Ижысь журналист Юлия Мокрушина верамъя, нылаш автобусэ пуксем билеттэк. Самараысь Иже билет сылэ 1 сюрс 300 манет, нош меӵак водителен огкыл шедьтыса — 600 манет. Шӧдскымон ичи. Но шыръяны выронъяз егит мурт ӝыны дунын кулонзэ  басьтӥз, пӧрме.

Коть 600-эн, коть 1 сюрс 300-эн билет мед басьтысал, адӟонэзлэсь ӧй пегӟысал, вылды. Но, кызьы шуим, кулэм бере но шуд кулэ. Угось табере солэн семьяез уз быгаты бырем нылзы понна страховка басьтыны. Та учыр пумысен Юлия Мокрушина вераз, А. Бречаловен пумиськылыку. Тӧролэсь ужзэ быдэсъясь шуиз: одӥг семьяез но ум аналтэ, вал-а соослэн билетсы, ӧй-а. Но со луоз мукет юрттэт. Валамон, нокыӵе коньдон уз вошты  бырем ӵыжы-выжыдэ, озьы ке но…

Соин валче мукет юан кылдэ — сюрес вылын нуналлы быдэ шудтэм учыръёс луо, дасоосын адямиос быро. Соосты ГИБДД пусъе но, ужез быре. Нош мар луэ отӥяз со адямиослэн семьяосынызы? Кин ке юрттэ-а соослы? Мар пӧртэмез, машинаын 5 кузя мыно вал яке автобусын 20 кузя — сояз но, таяз но адямиос.

Вань учыръёс, куке анай-атай бырыса, пиналзы вылэ бадӟым кредитъёссы кылё. Мынэсьтым бен уз юалэ, но мон малпасько, одӥг учырез но адӟымтэ улсы кельтоно ӧвӧл — кыӵе ке компенсация чаклано вань быремъёс понна, ас янгышенызы кайгу шедьтэмъёслы — юэмъёслы но куронъёсты тӥямъёслы сяна.

Но тьфу, тьфу, Инмар мед утёз, одӥгмы но сое басьтоно медам луэ!

Удмурт Дунне
By Удмурт Дунне Июль 8, 2017 16:49
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<