Юрттоно анай кылын потӥсь газетъёслы

Удмурт Дунне
By Удмурт Дунне Июль 1, 2017 08:39
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кылем арняе ортчиз Россиысь Общественой палаталэн ивор вӧлмытӥсь ёзъёсты азинтонъя комиссиезлэн нырсетӥ заседаниез. Отчы пыриськиз «Удмурт Кенеш» огазеяськонлэн вице-президентэз, Россиысь Общественной палаталэн ёзчиез Владимир Байметов.

Комиссия ас азяз ужпум пуктӥз: куспын возёно журналистъёслэн огазеяськонъёсынызы, Россиысь Правительствоен но мукет структураосын.

Комиссиын трос пӧртэм юанъёс ӝутэмын вал.  Кылсярысь, тросэз валало, улосвылъёсын но ёросъёсын газетъёс ворсасько шуыса.

— Котькыӵе югдур мед луоз, но ёросъёсысь газетъёсты утьыны кулэ. Ми валаськом, соос пыр кивалтэт калыкен вераськыны быгатэ. Валаськом, азьланяз потоно вотэсэ но, соин ик комиссие ӧтемын вал бадӟым Интернет команиосысь ужасьёс. Соосын ми валче ужаны кулэ, — вера Владимир Байметов. — Озьы ик  вераським, анай кылын потӥсь газет-журналъёслы юрттӥськоно, егит журналистъёсты коньдон кузьымъёсын пусйылоно шуыса.

Со сяна, комиссия ас азяз ужпум пуктӥз: куспын возёно журналистъёслэн огазеяськонъёсынызы, Россиысь Правительствоен но мукет структураосын. Озьы ужпумъёс котыр ласянь эскеремын но сэрттэмын луозы.

Владимир Байметов Россиысь Общественной палатае туэ гинэ быръемын ай. Но тодэ ни, Удмуртиысь кыӵе ужпумъёсты луэ эскерыны Россиысь Общественной палатаын.

— Вань мылкыдмы, Удмуртиысь законъёсты кылдытон борды федерал экспертъёсты кыскыны, кылсярысь, кун кылъёсъя законэз выльдыку. Котькуд улосвылын со аслаз, кулэ соосты огвыллемгес карыны, — вера Владимир Байметов. — Озьы ик Удмуртиысь Общественной палаталы кусып возёно мукет улосвылъёсысь но Россиысь таӵе ик палатаосын. Но калыклэсь сюлмаськонъёссэ кылоно.

Мария Векшина

Туспуктэм: www.oprf.ru

 

 

 

Удмурт Дунне
By Удмурт Дунне Июль 1, 2017 08:39
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<