Удмуртилэн кунлык басьтэмез дырысен 100 ар! Дасяськон мытэмын

Удмурт Дунне
By Удмурт Дунне 25 июля, 2017 13:35
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

«Удмурт Кенешлэн» ӵектэмезъя кутскиз Удмуртилэн кунлык басьтэмез дырысен 100 ар тырмонлы сӥзем ужрадъёслы дасяськон.

Трокайлэн агаезлэн нылыз Екатерина Чернова

Толэзь талэсь азьло Удмуртилэн Тӧроезлэсь ужзэ быдэсъясь Александр Бречалов пумиськылӥз «Удмурт Кенеш» огазеяськонлэн азьветлӥсьёсыныз. Та пумиськон дыръя «Удмурт Кенешлэн» дано тӧроез Валентин Тубылов ӵектӥз:

— 2020-тӥ арын Удмуртия пусъёз кунлык басьтэмез дырысен 100 ар тырмонэз. Та лыдпус медаз вуны вал, дыр трос ӧз ни кыльы…

Туннэ нуналлы кылдытэмын ни юбилейлы дасяськонъя оргкомитет. Соин кивалтэ ачиз Александр Бречалов. Сопредседательёсыз — «Удмурт Кенешлэн» дано тӧроез Валентин Тубылов но Воткинскысь П. Чайковскийлэн музей-юртэзлэн директорез Татьяна Неганова. Оргкомитетэ пыро пӧртэм министерствоослэн, бадӟым предприятиослэн кивалтӥсьёссы, культура удысысь азьветлӥсьёс.  Удмуртъёс пӧлысь тужгес тодмоосыз — «Удмурт Кенеш» огазеяськонлэн кивалтӥсез Татьяна Ишматова, Кун Думаысь депутат Алексей Загребин. Та бадӟым, йӧно команда вакчи дыр куспын чакланы кулэ: кыӵе ужпумъёсты быдэстоно, бадӟым юбилейлы сӥзьыса. Нялтас вераса, оргкомитетын эскерон вылысь аслэсьтыз малпанъёссэ, дэмланъёссэ сётыны быгатэ котькуд мылкыд карись. Юбилеез пусъёнъя указ улэ кинюртэмзэ пуктыны курыса, республикалэн кивалтӥсьёсыз вазиськыны малпало Россилэн Президентэзлы Владимир Путинлы.

Бадӟым юбилейлы сӥ-зьыса ик, та нуналъёсы люкаськылӥз «Удмурт Кенешлэн» экспертно-консультативной советэз. Удмурт азьветлӥсьёс асьсэ дэмланъёссэс веразы, дасязы ни. Озьы «Удмурт Кенеш» таӵе ужрадъёс дэмла: вань удмуртъёслэсь ӧтчамзэс ортчытоно, «Удмуртия» ТРК-ез спутник телевещание поттоно, Глазовын но Можгалан удмурт гимназиос усьтоно, Можга педколледжез тупатъяно, удмурт калыклы сӥзем тросгес яркыт книгаос, энциклопедиос поттоно, удмурт егитъёслы грант басьтонъя конкурсъёс радъяно но трос мукет. Юбилейлы шуыса ик, Ижын Удмурт лулчеберетъя центр усьтыны чакламын.

Макем яркыт но пайдаё луоз Удмуртилэн кунлык басьтэмезлы сӥзем юбилей — асьме бордысь потоз. Соин ик ёросъёс но та юбилеез пусъёнъя асьсэ планъёссэс дасяны кулэ.

Елена Миннигараева

 

 

Удмурт Дунне
By Удмурт Дунне 25 июля, 2017 13:35 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<