Разин vs Шумилова: «Дарт» газет пумысен эчешон

Удмурт Дунне
By Удмурт Дунне Июль 13, 2017 11:47
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

«Дарт» пумысен вераськонъёс кылдо бере, иське, сое лыдӟо пӧртэм арлыдъем адямиос, со сюлэмез но визез вырӟытэ.

Одӥгез номермы потэм бере «Удмурт дунне» газетлэн редакцияз Альберт Разин тодосчилэсь гожтэт вуиз. Со туала егитъёс сярысь малпанзэ шараяз. Анастасия Шумилова — одӥгез автормы — «ВКонтакте» вотэсбамын аслэсьтыз малпанзэ вераз со вазиськон сярысь. Ми ӵектӥськом тӥледлы но ӝутэм ужпумъёс сярысь малпаськыны но мылкыддэс вераны.

Тодмо философъёслэн малпанъёссы вылэ пыкиськыса, тодосчи валэктыны тырше, Шундыпуксён цивилизация — со алама маке, со шоры учконо ӧвӧл шуыса, нош шонер сюрес — со вашкала удмуртъёслэн визьлыксы, мифологизы. Ас калыкедлэсь кылзэ, лулчеберетсэ гажано но утёно — кызьы таин соглаш уд луы? Мон но соглаш. Но мыным, зэмзэ вераса, уг кельшы, куке одӥг калыклэсь данзэ ӝуто, мукетсэ ултӥяса. Уг кельшы эшшо сьӧдлы но тӧдьылы люкон. Дунне вылын ӧвӧл «чылкыт» яке «кырсь» культураос, «адямилыко» яке «адямилыктэм» калыкъёс. Котькуд калыклэн дунне шоры учконаз, сямъёсаз умоез но, аламаез но вань (бен, бен, удмуртъёс но воксё быдэслыкоесь ӧвӧл, туалаосыз но, вашкалаосыз но). Асьмеос глобализация вакытэ улӥськом, сыӵе вакытэ, куке калык ас понназ, мукетъёслэсь люкиськыса, улыны уз быгаты — талэсь нокытчы уд пегӟы. Кулэ ӧвӧл но со, мыным потэ. Ассимиляциез уд вормы, гуэ пырыса. Уд вормы, борддоръёс ӝутыса. Нош кылэз, культураез утёд, быгатӥд ке сое туала дуннее пыртыны, мукет калыкъёсын огъя кыл шедьтыны. Бен, сое огшоры малпаськытэк асэстоно ӧвӧл, со но творческой процесс луыны кулэ (ӵапак Дарали Лели «западник» озьы ужа, со понна тау солы).

А. Разин вашкалае учкыны ӵектэ, Освальд Шпенглерлэсь кылъёссэ вера: «зэмос культура со — вашкала сям-йылолъёс, мифология». Ортчемзэ тодоно, вашкалаен тунсыкъяськоно, но вашкалаен гинэ уг луы улыны. Весь берлань учкыса мынӥд ке, канжаськод но усёд. Уд адӟы туалалэсь чеберзэ, уд вуы вуоное. Мон уг вераськы, вашкалае учконо ӧвӧл шуыса. Туала культура но буш интыын кылдэмын ӧвӧл, со ӧвӧл дась продукт, со котьку процесс. Ваньмыз герӟаськемын та дуннеын: туалаез но вашкалаез, пӧртэм калыкъёс, культураос, дунне шоры учконъёс, кылъёс. Мыным кулэ ӧвӧл «чылкыт удмуртлык». Мон понна со дорозь сюрес герӟаськемын ксенофобиен. Мукет калыкъёсын но культураосын тунсыкъяськон, соосын ваче вераськон — со одно ӧвӧл, дыр, аслад культураедлэсь палэнскон.

А. Разин Столыпинлэсь кылъёссэ тодэ вае: «Народ с низким самосознанием превращается в навоз, и на нём произрастают культуры других народов». Мон уг ултӥяськы удмуртъёсты, но мынам мукетъёсызлэсь вылӥе но соосты ӝутэме уг поты. Мон уг вунэтӥськы кыкетӥ анай кылме но — ӟуч кылэз, ӟуч культураез, со мынам пушкам пыӵамын. Нош эшшо мон Музъем вылын улӥсько, соин ик дунне культура но — мынам. Юзмыт омыртэк уг луы. Аслад гинэ культураяд (котькыӵе со визьмо мед луоз) пытсаськыса пукид ке, уд-а пыкмы? Пастернаклэсь чебер чуръёссэ тодам вайи:

И всего живитель и виновник —

Пахнет свежим воздухом навоз.

Вылаз ик, ми, туала егитъёс, чылкак огвыллемесь ӧвӧл. Ми но споръяськиськом ог-огенымы. Кинлы ке кельше вашкалаез, кинлы ке — туалаез, кинлы ке но кельше гуртын улыны, кинлы ке — карын, кинлы ке — соиз но, таиз но кельше, кинлы ке  номыр уг.

Эшшо Дуглас Адамс тодмо фантастлэсь гожтэмзэ тодам вайи (жаляса верано, визьмо философъёсты туж трос лыдӟемын ӧвӧл), со гожтэ ортчемезлэсь мӧзмон сярысь: «В те дни сердца были отважными, а ставки высокими, мужчины были настоящими мужчинами, женщины — настоящими женщинами, а маленькие мохнатые существа с Альфы Центавра — маленькими мохнатыми существами с Альфы Центавра». Ватсам потэ на: «нош удмуртъёс соку вал зэмос удмуртъёс». Ваньмыз воштӥське та дунне вылын, нош «уже не тот» формула но «азьло ваньмыз умойгес вал» весь улонамы луоз.

 

 

Тодмо философъёслэн малпанъёссы вылэ пыкиськыса, тодосчи валэктыны тырше, Шундыпуксён цивилизация — со алама маке, со шоры учконо ӧвӧл шуыса, нош шонер сюрес — со вашкала удмуртъёслэн визьлыксы, мифологизы. Ас калыкедлэсь кылзэ, лулчеберетсэ гажано но утёно — кызьы таин соглаш уд луы? Мон но соглаш. Но мыным, зэмзэ вераса, уг кельшы, куке одӥг калыклэсь данзэ ӝуто, мукетсэ ултӥяса. Уг кельшы эшшо сьӧдлы но тӧдьылы люкон. Дунне вылын ӧвӧл «чылкыт» яке «кырсь» культураос, «адямилыко» яке «адямилыктэм» калыкъёс. Котькуд калыклэн дунне шоры учконаз, сямъёсаз умоез но, аламаез но вань (бен, бен, удмуртъёс но воксё быдэслыкоесь ӧвӧл, туалаосыз но, вашкалаосыз но). Асьмеос глобализация вакытэ улӥськом, сыӵе вакытэ, куке калык ас понназ, мукетъёслэсь люкиськыса, улыны уз быгаты — талэсь нокытчы уд пегӟы. Кулэ ӧвӧл но со, мыным потэ. Ассимиляциез уд вормы, гуэ пырыса. Уд вормы, борддоръёс ӝутыса. Нош кылэз, культураез утёд, быгатӥд ке сое туала дуннее пыртыны, мукет калыкъёсын огъя кыл шедьтыны. Бен, сое огшоры малпаськытэк асэстоно ӧвӧл, со но творческой процесс луыны кулэ (ӵапак Дарали Лели «западник» озьы ужа, со понна тау солы).
А. Разин вашкалае учкыны ӵектэ, Освальд Шпенглерлэсь кылъёссэ вера: «зэмос культура со — вашкала сям-йылолъёс, мифология». Ортчемзэ тодоно, вашкалаен тунсыкъяськоно, но вашкалаен гинэ уг луы улыны. Весь берлань учкыса мынӥд ке, канжаськод но усёд. Уд адӟы туалалэсь чеберзэ, уд вуы вуоное. Мон уг вераськы, вашкалае учконо ӧвӧл шуыса. Туала культура но буш интыын кылдэмын ӧвӧл, со ӧвӧл дась продукт, со котьку процесс. Ваньмыз герӟаськемын та дуннеын: туалаез но вашкалаез, пӧртэм калыкъёс, культураос, дунне шоры учконъёс, кылъёс. Мыным кулэ ӧвӧл «чылкыт удмуртлык». Мон понна со дорозь сюрес герӟаськемын ксенофобиен. Мукет калыкъёсын но культураосын тунсыкъяськон, соосын ваче вераськон — со одно ӧвӧл, дыр, аслад культураедлэсь палэнскон.
А. Разин Столыпинлэсь кылъёссэ тодэ вае: «Народ с низким самосознанием превращается в навоз, и на нём произрастают культуры других народов». Мон уг ултӥяськы удмуртъёсты, но мынам мукетъёсызлэсь вылӥе но соосты ӝутэме уг поты. Мон уг вунэтӥськы кыкетӥ анай кылме но — ӟуч кылэз, ӟуч культураез, со мынам пушкам пыӵамын. Нош эшшо мон Музъем вылын улӥсько, соин ик дунне культура но — мынам. Юзмыт омыртэк уг луы. Аслад гинэ культураяд (котькыӵе со визьмо мед луоз) пытсаськыса пукид ке, уд-а пыкмы? Пастернаклэсь чебер чуръёссэ тодам вайи:

 

И всего живитель и виновник —

Пахнет свежим воздухом навоз.

 

Вылаз ик, ми, туала егитъёс, чылкак огвыллемесь ӧвӧл. Ми но споръяськиськом ог-огенымы. Кинлы ке кельше вашкалаез, кинлы ке — туалаез, кинлы ке но кельше гуртын улыны, кинлы ке — карын, кинлы ке — соиз но, таиз но кельше, кинлы ке  номыр уг.

Эшшо Дуглас Адамс тодмо фантастлэсь гожтэмзэ тодам вайи (жаляса верано, визьмо философъёсты туж трос лыдӟемын ӧвӧл), со гожтэ ортчемезлэсь мӧзмон сярысь: «В те дни сердца были отважными, а ставки высокими, мужчины были настоящими мужчинами, женщины — настоящими женщинами, а маленькие мохнатые существа с Альфы Центавра — маленькими мохнатыми существами с Альфы Центавра». Ватсам потэ на: «нош удмуртъёс соку вал зэмос удмуртъёс». Ваньмыз воштӥське та дунне вылын, нош «уже не тот» формула но «азьло ваньмыз умойгес вал» весь улонамы луоз.

Удмурт Дунне
By Удмурт Дунне Июль 13, 2017 11:47 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<