Огез ворсаське, мукетыз усьтӥське

Удмурт Дунне
By Удмурт Дунне 12 июля, 2017 10:16
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Диплом бордын ужась, уен нуналэз сурась студент тылобурдо чирдэмез но уг кылы, улмопу сяська пурӟемез но шӧдытэк кыле.

Валаса ик ӧй вуы, кызьы гужемлэн одӥг толэзез ортчиз. Ӝоген ми  но ӵош дышетскись эшъёсыным ог-огмылэсь палэнэ пурӟомы, люкиськомы университетэн, УдГУ-ысь 2-тӥ корпусысь 2-тӥ этажын ортчытэм 4 армес шунытэн гинэ тодамы ваёмы. Туэ мон Удмурт кылосбуръя, финно-угроведениея но журналистикая институтэз йылпумъясько. Удмурт но фин кылъёсъя госэкзамен сётэмын, горд улмо буёло вылбамен диплом сюлэмез шунтэ. Толэзь талэсь азьло курадӟытэм йыр висёнме, пушкез бугыртӥсь сюлмаськонме малпасько ке, серем гинэ потэ на. Дырыз дыръя диплом но гожтӥське вылэм, 4 ар ӵоже люкам материал, тодон-валан лачмытак гинэ 76 страницае интыяське.

Уг яратӥськы та «переходной» этапъёсты. Уг яратӥськы, кыӵе ке бадӟым быръён лэсьтоно ке. Вуоно улонэлы маршрут кылдытонын шуг-секытъёс вань ик. Мылкыдыя магистратураез быръёно, тупась уж шедьтоно, тыршоно, дышетсконэ но уже ог-огзылы медаз люкетэ шуыса.

Та ужпумъёс ӵош дышетскем эшъёсыным монэ эшшо но зол герӟало. Валамон, милемлы 2017-тӥ арысь гужем капчиен уз сётскы.  Тодам лыктэ 2013-тӥ арысь гужем, куке мон йылпумъяй школаме. Соку аслым капчи бубыли кадь потылӥ: мылкыд лобась, азям вань ӧсъёс усьтэмын, номыр но вормонтэмез ӧвӧл. Нош али бадӟым улонэ вамыштон азям мон сюресме чакласько: шонер-а со, мур кыремъёсыз ӧвӧл-а?

Вань выпускникъёслы чидан сӥземе потэ, мед пӧрмоз, мае малпаськоды, нош ӧз ке пӧрмы, зол эн кайгыре. Кызьы верало: одӥг ӧс ворсаське ке, усьтӥське мукетыз, сое синйылтыны гинэ кулэ.

Марина Пахомова

 

Удмурт Дунне
By Удмурт Дунне 12 июля, 2017 10:16
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<