Москва юрттоз элькунамы школаос пуктыны

Удмурт Дунне
By Удмурт Дунне 10 июля, 2017 14:28

 Удмуртилэн Тӧроезлэсь ужзэ быдэсъясь Александр Бречалов пумиськылӥз Россиысь Правительстволэн Тӧроеныз Дмитрий Медведевен.

Вераськон мынӥз элькунысьтымы дышетон удысэз азинтон, выль школаос пуктон пумысен.

Вераськон мынӥз элькунысьтымы дышетон удысэз азинтон, выль школаос пуктон пумысен. Дмитрий Медведев тунсыкъяськиз: кызьы Удмуртия пыриське Россиын выль школаос пуктонъя программае?

— Пиналъёс одӥг сменаен дышетскыны мед быгатозы шуыса, элькунамы ватсаса ог 38 сюрс школьникъёслы интыос усьтыны кулэ, — вераз Александр Бречалов. — Соин ик выль школаос пуктонъя кун программае чырмыт пыриськыны турттӥськом — нимысьтыз план но юнматэмын. Одӥгзэ школаез пуктӥм ни — Ижысь «Столичный» микрорайонын. Эшшо 3 школа ӝутӥське: Ижын, Можга городын но Алнаш черкогуртын. Можгаласьсэ ӝутыны озьы ик Москва юрттӥськыны соглаш кариськиз — туэ сентябрьлы со дась луоз, нош ноябрьысен дышетскон радъяськоз ни.

Александр Бречалов верамъя, Ижысь 825 интылы но Алнашысь 500 интылы школаосъя но Россиысь оглюкетэс коньдон басьтон вылысь документъёс дасямын. Но туннэ нуналлы Москва соглаш луэмзэ ӧз вера на. Соин ик элькунмы та школаосты ас кужыменыз али пуктэ.

Пумиськон дыръя ик Дмитрий Медведев телефон пыр герӟаськылӥз Россиысь дышетонъя но наукая министрен Ольга Васильеваен. Куриз: Удмуртиысь 2 школаосты ӝутонлы коньдон висъяны луонлыкъёс утчано.

Элина Кумачёва

Туспуктэм: Россиысь Правительстволэн пресс-службаез

Удмурт Дунне
By Удмурт Дунне 10 июля, 2017 14:28
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<