Кивалтӥсьёс вуз карисьёсты ӟечкылазы

Удмурт Дунне
By Удмурт Дунне 20 июля, 2017 09:41

Таяз арняе, 19-тӥ июле, Ижысь Эшъяськон юртын удыс нуналзэс пусйизы ужбергатонын, вуз каронын тыршисьёс. Ужрадын данъязы 40 адӟем карымон ужасьёсты.

Вуз карисьёсты ӟечкыланы вуылӥзы Правительстволэн Тӧроезлэсь ужзэ быдэсъясь Виктор Савельев.

Вуз карисьёсты ӟечкыланы вуылӥзы Правительстволэн Тӧроезлэсь ужзэ быдэсъясь Виктор Савельев, Кун Кенешлэн Тӧроез Владимир Невоструев, промышленностья но вуз каронъя министрлэсь ужзэ быдэсъясь Виктор Лашкарёв.

В. Лашкарёв пусйиз: Удмуртиын 15 сюрс предприятиосын ужа 60 сюрслэсь ятыр адями. Калык дорозь вузъёслэсь вуэмзэс, вузъёслэсь пӧртэмлыксэс, дунъёсты учконо ке, Удмуртия Россиын 11-тӥ интыын.

Тросэз, вуз карон сярысь кылыкузы, вуз карисьёсты син азязы пукто, но со шонер ӧвӧл. Та удыс герӟаськемын ваньмыныз, кин вузъёсты калык дорозь вуттыны юрттэ — ужбергатӥсьёс, пӧраськисьёс, бухгалтеръёс, кассиръёс.

Бадӟым азинсконъёс басьтэмзы, ӟеч тыршемзы понна пусъемын вал, кылсярысь, Вавожысь вуз карись Тамара Неустроева, Кизнерысь Тамара Пивоварова, вуз каронын ӟеч табыш поттэм сяна, ӟеч ужъёс лэсьтэ на: юрттӥське ветеранъёслы, черкъёслы. Озьы ик тау карон басьтӥз Эгра ёросысь Левой Кушъя пичи гуртын магазин возись Ирина Вахрушева. Со вуз карон удысын 30 арлэсь кема тырше ини, солы луыса гурт калык, кыдёке потатэк, кулэ луись вузъёс басьтыны быгатэ.

Ангелина Снигирёва

Туспуктӥз Э. Карипов

 

 

Удмурт Дунне
By Удмурт Дунне 20 июля, 2017 09:41
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<