Гурт шудонъёс: Стадион, зор но чемпионъёс

Удмурт Дунне
By Удмурт Дунне 14 июля, 2017 09:10
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кылем арня пумын 1 сюрслэсь трос спортсменъёс, сомында ик куноос люкаськемын вал Сюмси черкогуртэ. Отын ортчизы гурт спортсменъёслэн 26-тӥ Гужем шудонъёссы. 14 дисциплиная 80-лэсь трос комплект медальёс шудытӥськизы. Спортсменъёслэсь но ужрадэз ортчытӥсьёслэсь чиданлыксэс эскериз куазь.

Сюмсиысь гурт шудонъёслэн утисьсы — Тӧдьыгуби.

Пичи ёрос но бадӟым куноос

Матысь 2 ар куспын шаерысьтымы вань ёросъёсын Гурт шудонъёс ортчыны кулэ ни. Номыр ӧз воштӥськы ке, вуоно гужем спортсменъёсты люкалоз Кияса ёрос, ар ортчыса — Сьӧлта, нош кылем арня пумын куноосты пумитаз Сюмси ёрос. Ужрадэз усьтонэ вуылӥзы сӥё-дано куноос: Удмурт Республикалэн Тӧроезлэсь ужзэ быдэсъясь Александр Бречалов, Россиысь Капчи атлетикая федерацилэн президентэз, Самара улосысь спортъя министр Дмитрий Шляхтин но 4 олимпийской чемпионъёс: Галина Кулакова но Тамара Тихонова (куасэн бызьылон), Юрий Борзаковский (пыдын бызьылон) но Андрей Сильнов (выллане тэтчан). Удмурт Олимпиадае нырысьсэ пыриськизы бускельёсмы — Татарстан Республикаысь Собинка ёросысь команда, кивалтӥсьсы — ёрослэн йырыз Раис Минниханов.

Спортсменъёслэсь но ужрадэз ортчытӥсьёслэсь чиданлыксэс эскериз куазь.

Пичи ёрос бадӟым ужрадлы гижысь-пиньысь дасяськем. Гурт шудонъёслы луыса быдэс черкогурт туссэ выльдӥз, выль шутэтскон интыос, туала куронъёслы тупась стадион кылдӥзы. Ужрадэз усьтонэ 600 пала адями пыриськиз. Сюмсиын быдэстэм ужез но усьтон ужрадэз адӟыса, Александр Бречалов но паймемын вал.

— Ужась калыкез но нылпиосты адӟыса шумпотӥ, угось ваньзы соос Сюмси ёросысь вал, нокинэ но зорись куазь ӧз кышкаты, — шуэ Александр Бречалов. — Амалтэк тодам лыктӥз Александр Волковен пумиськылэме, данъяськыса вера вал Удмуртиын ортчылӥсь Гурт шудонъёс сярысь. Ужрадлы мон но синмаськи, нош кыӵе чебер стадионды. Мытэм ужез одно ик азинтыны кулэ.

Шаермылэн  кивалтӥсез но тросэз гурт спортсменъёс Сюмси черкогуртэ нырысьсэ вуизы. Сюмсиос ульчаоссэс, юртъер котырзэс чылк-чылк утялтӥллям. Жаляса верано, зоро куазь куд-ог ӟеч малпанъёсты сураз.

Пичи ёрос бадӟым ужрадлы гижысь-пиньысь дасяськем. Гурт шудонъёслы луыса быдэс черкогурт туссэ выльдӥз, выль шутэтскон интыос, туала куронъёслы тупась стадион кылдӥзы. Ужрадэз усьтонэ 600 пала адями пыриськиз.

Рекордъёс ӧй вал

Азьвыл аръёсы сямен ик, нырысетӥ медальёс утӥзы кузьдалае тэтчасьёс. Таяз Гурт шудонъёсын выль рекордъёс пуктэмын ӧй вал, мугез валамон — зор. Отӥяз стартэ потӥзы ни полиатлонистъёс, семьяос, пыдын бызьылӥсьёс. Пыӵам сямъя ӵошатсконлэн нырысетӥ нуналаз ик ортчыны кулэ вал Правительстволэн но ёрос йыръёслэн командаоссы куспын волейболэн шудон. Но спортзал дась ӧй вал. Со понна футболэн шудон њырдыт ортчиз. кужмо луиз Правительствоысь команда.

Спортзалъёсын ӵошатс-конъёс ваньмыз чакламъя ортчизы ке, стадионъёсын вожвылъяськонъёс шуге-леке вуттӥзы. Кылсярысь, лаптаен шудӥзы  политехникумлэн стадионаз. Вож бусы вакчи дыр куспын маялӟиз. Ярано коть, финалын шудон туала куронъёслы тупась выль стадионын радъямын ни вал.

Бызьылонын но кузьдалае тэтчанын туэ нокыӵе рекордъёс пуктэмын ӧй вал, со понна зоро куазь иназ мынӥз ӝог вамышъясьёслы. Берло аръёсын ӵошатыса, соос трослы ӟечгес лыдпусъёс возьматӥзы. Угось спортсменъёс пӧлын трос вал нимо-даноос: Дэбесысь Мария Пономарёва, Шарканысь Юлия Турова но Максим Вахрушев, Алнашысь Сергей Шарыпов но мукетъёсыз. Ваньзы соос дуннеысь ӵошатсконъёсын вормисьёс луо.

 

Трос аръёс ӵоже Сюмси ёрос данъяське Олег но Валерий Жуков агай-вынъёсын — полиатлонъя но гира ӝутканъя спортъя мастеръёсын. Олег Николаевичлы оскемын вал Гурт шудонъёслэсь тылзэс ӝуатыны. 25 пол Гурт шудонъёсы пыриськыса, со трос пол вормонъёс басьтэмын. Берло аръёсы Сюмси ёросысь егит пиослэсь гира ӝутканъя командазэс дася. Солэн дышетэм пиналъёсыз пӧлын спортъя мастере 12 кандидатъёс но 1-тӥ разрядъем 32 спортсменъёс.

Дэриысь К. Васильев зарни утӥз 5000 метре бызьылонын.

Ёросысь мукет спортсменъёс но вормон понна кужмо нюръяськизы. Озьы, Дмитрий Банкеев котькинлэсь кыдёке тэтчиз, Елена Блитц ас ёзо эшъёсыз пӧлын котькинлэсь трос пол гира ӝутказ, Валерий Жуков 3-тӥ инты басьтӥз гира ӝутканын.

 

Удалтон

Татарстанысь Собинка ёросысь 22 мурт спортын быгатонлыкъёссэ эскерыны вуылӥз.

— Татарстанын гужем шудонъёс 2 арлы одӥг пол ортчо, туэ со июль толэзе луыны кулэ вал, но шаерамы трос бадӟым ужрадъёс ортчемен, шудонъёсмес август толэзьлы кельтӥзы, — шуэ Собинка ёрос администрациысь спортъя ёзэн кивалтӥсь Ирек Гарипов. — Сюресмы кузь ик ӧй вал — 180 иськем гинэ. Ортчем ӵошатсконъёстылы синмаськимы. Татчы ми вайимы кивалтӥсьёсмес, атлетъёсмес, гира ӝуткасьёсмес. Медаль понна нюръяськонэ ӧм пыриське, тӥляд спортсменъёсты трослы кужмоесьгес вылэм. Малпамы вал Удмуртиысь тужгес кужмо футбол командаен пумиськылыны, сюмсиосын гинэ шудыны удалтӥз. Сюлэммес коть буйгатӥмы, 5:0 лыдын соосты вормыса.

Бигер куноосмы быгатонлыкъёссэс эскерыны гинэ вуылӥзы ке, шаерысьтымы спортсменъёс медаль понна нюръяськизы. Таяз учыре троссэ паймытӥз пус чӧлтон. Та дырозь шаерысьтымы тужгес кужмо бызьылӥсьёсты одӥг забеге люказы, нош таяз учыре соосты компьютер висъям. Кылсярысь, удалтонлыкез ӧз тырмы Шарканысь спортъя мастерлы Андрей Шкляевлы. 1500 но 3000 метре бызьылонын, ас забегъёсаз вань эшъёссэ круглы азьпалтыса но, огъя зачётын 7-тӥ но 10-тӥ интыосы гинэ кылиз.

3-тӥ группаын вормизы сюмсиос.

Куазь ялан зоремен тросэзлэн спортсменъёслэн кот дӥськутъёссы туннэ но куасьтӥсько на, дыр. Умоен пусъёно созэ: Гурт шудонъёс дыръя душысь ву но улон интыосысь куд-ог гумыос шунытэсь вал. Синмаськытӥзы ёросысь кибашлыос но. Ужрадэз усьтон дыръя котькуд командалы кудыен губи сётӥзы. Губиоссы пулэсь вӧлэмын.

Сюмсиын 26-тӥ Гурт шудонъёс йылпумъяськизы. Ас группаосазы вормисе потӥзы Дэри, Кизнер но Сюмси ёросъёс. Вуоно гужем гурт спортсменъёсты пумиталоз эшшо одӥгез пичи ёрос — Кияса. Ёрослэн йырыз Александр Максимов Сюмсие огшоры гинэ ӧз вуылы, котыр ласянь чакласькиз: кытын ма лэсьтэмын. Арня-кык ортчыса, выльысь та ёросэ ветлыса, отысь кивалтӥсьёсын ужрадэз  радъян сярысь кенешыны малпа.

      Валентина Емельянова

Вормисе потэмъёс

Бызьылон

Нылкышноос:

100 метре

  1. Копотева Надежда (Камбарка) — 12,44
  2. Наговицына Снежана (Можга) — 12,91
  3. Бекчурина Наталья (Ува) — 13,12

400 метре

  1. Копотева Надежда (Камбарка) — 0.57,9
  2. Долотовских Алина (Вавож) — 0.58,5
  3. Баженова Маргарита (Пичи Пурга) — 0.58,7

800 метре

  1. Васильева Кристина (Дэри) — 2.13,8
  2. Муленко Екатерина (Сарапул) — 2.16,5
  3. Пчельникова Юлия (Ува) — 2.19,6

1500 метре

  1. Васильева Кристина (Дэри) — 4.31,4
  2. Муленко Екатерина (Сарапул) — 4.34,4
  3. Беляева Яна (Дэри) — 4.35,9

3000 метре

1.Беляева Яна (Дэри) — 9.46,4

  1. Боброва Надежда (Сарапул) — 9.53,7
  2. Урсегова Анастасия (Глазов) — 10.03,6

Воргоронъёс:

100 метре

  1. Чучков Семён (Кизнер) — 10,7
  2. Бурков Сергей (Ува) — 10,96
  3. Торхов Юрий (Вавож) — 11,09

400 метре

  1. Торхов Юрий (Вавож) — 0.49,18
  2. Вахрушев Константин (Якшур-Бӧдья) — 0. 51,35
  3. Кардапольцев Василий (Эгра) — 0.51,36

1500 метре

  1. Хмелёв Виталий (Пичи Пурга) — 3.52,1
  2. Бочкарёв Андрей (Можга) — 3.54,9
  3. Трофимов Андрей (Эгра) — 3.56,1

3000 метре

  1. Хмелёв Виталий (Пичи Пурга) — 8.34,5
  2. Васильев Константин (Дэри) — 8.35,1
  3. Баженов Александр (Дэбес) — 8.36,7

5000 метре

  1. Васильев Константин (Дэри) — 14.36,8
  2. Трофимов Андрей (Эгра) — 14.39,5
  3. Полтанов Алексей (Кизнер) — 14.55,8

 

Ӝог ветлон

Нылкышноос:

3 иськем

  1. Пономарёва Мария (Дэбес) — 13.15
  2. Турова Юлия (Шаркан) — 13.37
  3. Бушкова Александра (Ува) — 13.39

5 иськем

  1. Пономарёва Мария (Дэбес) — 22.45
  2. Бушкова Александра (Ува) — 24.36
  3. Турова Юлия (Шаркан) — 25.08

Воргоронъёс:

5 иськем

  1. Вахрушев Максим (Шаркан) — 19.52
  2. Шарыпов Сергей (Алнаш) — 19.59
  3. Айсабакиев Александр (Камбарка) — 20.02

10 иськем

  1. Вахрушев Максим (Шаркан) — 41.26
  2. Шарыпов Сергей (Алнаш) — 41.29
  3. Айсабакиев Александр (Камбарка) — 41.30

 

Нылкышноослэн 400х300х200х100 эстафетазы

  1. Ува (Бекчурина Наталья, Машковцева Вероника, Чайникова Анастасия, Пчельникова Юлия) — 2.20,0
  2. Вавож (Долотовских Алина, Марковская Екатерина, Повышева Олеся, Долотовских Ольга) — 2.21,1
  3. Пичи Пурга (Баженова Маргарита, Голубина Светлана, Бочкарёва Марина, Вершинина Татьяна) — 2.21,5

Воргоронъёслэн 800х400х200х100 эстафетазы

  1. Вавож (Миловидов Пётр, Зубарев Иван, Торхов Юрий, Карпов Сергей) — 3.18,6
  2. Пичи Пурга (Хмелёв Виталий, Алексеев Алексей, Бегишев Валерий, Зурнаджян Артур) — 3.19,2
  3. Дэри (Васильев Константин, Жуйков Денис, Антонов Артём, Беляев Алексей) — 3.19,4

 

Кузьдалае тэтчан

Нылкышноос:

  1. Наговицына Снежана (Можга) — 573 сантиметр
  2. Тимошенко Наталья (Кизнер) — 532 сантиметр
  3. Дюкина Юлия (Яр) — 528 сантиметр

Воргоронъёс:

  1. Банкеев Дмитрий (Сюмси) — 652 сантиметр
  2. Першин Николай (Яр) — 642 сантиметр
  3. Овчинников Григорий (Кияса) — 637 сантиметр

 

Полиатлон

Нылкышноос:

18-39 арес

  1. Лекомцева Лилия (Кез)
  2. Зямбаева Карина (Юкаменск)
  3. Кудрявцева Жанна (Ува)

40 арес но солэсь ятыр

  1. Маркова Елена(Эгра)
  2. Алексеева Валентина (Можга)
  3. Петрова Галина (Пичи Пурга)

Воргоронъёс:

18-39 арес

  1. Злобин Николай (Юкаменск)
  2. Кожевников Сергей (Эгра)
  3. Туманов Сергей (Кияса)

40 арес но солэсь ятыр

  1. Ефремов Вениамин (Эгра)
  2. Дмитриев Александр (Дэри)
  3. Вахрушев Владимир (Дэри)

 

Гира ӝутъян

Нылкышноос:

Секталазыя 63 килограммозь

  1. Блитц Елена (Сюмси)
  2. Заварухина Катерина (Пичи Пурга)
  3. Кочурова Екатерина (Дэри)

Секталазыя 68 килограммозь

  1. Веретенникова Татьяна (Яр)
  2. Кутявина Ольга (Яр)
  3. Кутеева Валерия (Каракулино)

Секталазыя 68 килограммлэсь ятыр

  1. Павлова Вероника (Можга)
  2. Заварухина Ирина (Пичи Пурга)
  3. Шатрова Влада (Балезино)

Воргоронъёс:

Секталазыя 63 килограммозь

  1. Смирнов Антон (Сюмси)
  2. Королёв Александр (Дэбес)
  3. Шиляев Александр (Ува)

Секталазыя 68 килограммозь

  1. Кириллов Владимир (Можга)
  2. Киселёв Александр (Кизнер)
  3. Зорин Василий (Сьӧлта)

Секталазыя 73 килограммозь

  1. Семёнов Николай (Пичи Пурга)
  2. Рудин Александр (Можга)
  3. Бурков Юрий (Сьӧлта)

Секталазыя 78 килограммозь

  1. Власичев Юрий (Ува)
  2. Панфилов Алексей (Пичи Пурга)
  3. Миронов Михаил (Дэбес)

Секталазыя 85 килограммозь

  1. Иванов Юрий (Можга)
  2. Шиляев Иван (Ува)
  3. Жуков Валерий (Сюмси)

Секталазыя 95 килограммозь

  1. Ипатов Евгений (Ува)
  2. Осинкин Юрий (Сарапул)
  3. Соколов Алексей (Вотка)

Секталазыя 95 килограммлэсь ятыр

  1. Шатров Тимофей (Балезино)
  2. Кагиров Ильдар (Ува)
  3. Бузмаков Анатолий (Балезино)

 

Армспорт

Нылкышноос:

Секталазыя 55 килограммозь

  1. Арасланова Зульфия (Юкаменск)
  2. Пермитина Ольга (Сарапул)
  3. Касимова Альфия (Ува)

Секталазыя 65 килограммозь

  1. Корепанова Любовь (Яр)
  2. Федотова Дарина (Вотка)
  3. Плотникова Клавдия (Пичи Пурга)

Секталазыя 65 килограммлэсь ятыр

  1. Ветошнина Екатерина (Ува)
  2. Ившина Елена (Юкаменск)
  3. Шахтова Нина (Можга)

Воргоронъёс:

Секталазыя 65 килограммозь

  1. Демьянов Иван (Пичи Пурга)
  2. Поздеев Эдуард (Дэбес)
  3. Косарев Иван (Сьӧлта)

Секталазыя 75 килограммозь

  1. Конышев Евгений (Ува)
  2. Широбоков Павел (Шаркан)
  3. Пасынков Александр (Ува)

Секталазыя 85 килограммозь

  1. Корякин Андрей (Дэри)
  2. Костюк Дмитрий (Эгра)
  3. Капачинский Евгений (Эгра)

Секталазыя 95 килограммозь

  1. Альмухаметов Альберт (Можга)
  2. Каримов Ринат (Сарапул)
  3. Данасиенко Севастьян (Дэри)

Секталазыя 95 килограммлэсь ятыр

  1. Агафонов Руслан (Вавож)
  2. Данасиенко Александр (Дэри)
  3. Ашихмин Алексей (Ува)

 

Нюръяськон

Секталазыя 62 килограммозь

  1. Каретин Александр (Вавож)
  2. Глухов Павел (Каракулино)
  3. Иванов Александр (Каракулино)

Секталазыя 72 килограммозь

  1. Кислицин Сергей (Сарапул)
  2. Чайников Алексей (Вавож)
  3. Марков Андрей (Можга)

Секталазыя 84 килограммозь

  1. Мамонтов Андрей (Дэри)
  2. Баталов Иван (Дэри)
  3. Валеев Тимур (Алнаш)

Секталазыя 100 килограммозь

  1. Фадеев Андрей (Грак)
  2. Сушков Александр (Дэри)
  3. Шутов Денис (Можга)

 

Дзюдо

Секталазыя 66 килограммозь

  1. Эминов Рустам (Дэри)
  2. Атрахманов Марат (Камбарка)
  3. Грахов Анатолий (Грак)
  4. Глухов Павел (Каракулино)

Секталазыя 73 килограммозь

  1. Глухов Виталий (Камбарка)
  2. Мерзляков Алексей (Эгра)
  3. Баталов Анатолий (Дэри)
  4. Чайников Алексей (Вавож)

Секталазыя 81 килограммозь

  1. Чирков Станислав (Ува)
  2. Мамонтов Андрей (Сарапул)
  3. Монашев Михаил (Алнаш)
  4. Гусев Алексей (Вавож)

Секталазыя 90 килограммозь

  1. Халецкий Александр (Камбарка)
  2. Фадеев Андрей (Грак)
  3. Шершун Андриан (Ува)
  4. Бесчастный Руслан (Яр)

Спортъя семьяос

(Дартс, теннис, тур. полоса, шашки, эстафета)

Семья — ныл

  1. Юкаменск (Юлия, Ольга но Алексей Васильевъёс)
  2. Эгра (Карина, Ирина но Валерий Максимовъёс)
  3. Глаз (Софья, Екатерина но Сергей Дубовцевъёс)

Семья — пи

  1. Дэри (Владимир, Ольга но Василий Малыхъёс)
  2. Ува (Григорий, Наталья но Алексей Наймушинъёс)
  3. Кизнер (Максим, Елена но Михаил Галкинъёс)

 

Ӝӧк выл теннис

Нылкышноос:

  1. Вотка 2. Кез 3. Балезино

Воргоронъёс:

  1. Сарапул 2. Кез 3. Можга

 

Волейбол

Нылкышноос:

  1. Дэри 2. Кез 3. Можга

Воргоронъёс:

  1. Можга 2. Юкаменск 3. Дэри

 

Пичи лапта

Нылкышноос:

1.Пичи Пурга 2. Эгра 3. Дэбес

Воргоронъёс:

  1. Сьӧлта 2. Дэри 3. Дэбес

 

Шальы

  1. Эгра 2. Шаркан 3. Кизнер

 

Гозы кыскан

  1. Грак 2. Пичи Пурга 3. Кизнер

 

Пичи футбол

  1. Дэри 2. Вавож 3. Ува

 

Кивалтӥсьёс

Ыбылӥськон

Нылкышноос:

  1. Чуракова Татьяна (Эгра) — 95 очко
  2. Крмакова Светлана (Эгра) — 91 очко
  3. Созонова Ольга (Дэри) — 83 очко

Воргоронъёс:

  1. Четкарёв Дмитрий (Дэри) — 95 очко
  2. Андреев Вениамин (Кизнер) — 86 очко
  3. Прозоров Илья (Вотка) — 86 очко

 

Дартс

  1. Заметаев Алексей (Вотка) — 656 очко
  2. Уразов Эрик (Сьӧлта) — 625 очко
  3. Подкин Сергей (Алнаш) — 597 очко

 

Шальы

  1. Красногорск 2. Балезино 3. Шаркан

 

Огъя (ыбылӥськон, дартс, шальы)

  1. Вотка 2. Кизнер 3. Якшур-Бӧдья

 

Огъя зачётын

I группа

  1. Дэри 2. Ува 3. Можга

Пичи Пурга, Эгра, Кез, Балезино, Сарапул, Вотка

II группа

  1. Кизнер 2. Шаркан 3. Вавож

Алнаш, Якшур-Бӧдья, Яр, Камбарка, Глазов

III группа

  1. Сюмси 2. Юкаменск 3. Дэбес

Каракулино, Сьӧлта, Кияса, Грак, Красногорск.

Удмурт Дунне
By Удмурт Дунне 14 июля, 2017 09:10