Гожъяськисьёс дышетскизы, бызьылӥзы, кырӟазы

Удмурт Дунне
By Удмурт Дунне 13 июля, 2017 12:17
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Спортъя но туризмъя «Нечкино» центрын шаерысьтымы журналистъёс понна 2 нунал ӵоже «Быдэс Удмуртия-2017» фестиваль ортчиз. Сое радъязы Печатья но ивор вӧлмытонъя агентство но Журналистъёслэн огазеяськонзы.

А. Бречалов, С. Смирнов журналистъёслэн фестивалязы пыриськизы.

Ужрадэ 150 пала журналистъёс люкаськизы, сюлмаськытӥсь ужпумъёссэс эскеризы, быдэстоно ужъёссы сярысь кенешизы. Фестивальлэн ужаз пыриськизы Удмурт Республикалэн Тӧроезлэсь ужзэ быдэсъясь Александр Бречалов, Тӧролэн но Правительстволэн администрациенызы кивалтӥсьлэсь ужзэ быдэсъясь Сергей Смирнов, валтӥсь федерал инспектор Дмитрий Мусин, Россиысь Журналистъёслэн огазеяськонзылэн секретарез Дмитрий Токарский, Москваысь одӥгеныз кризисной психологияя центрен кивалтӥсь Михаил Хасьминский. Люкаськемъёс азьын вераськизы Москваысь но Пермьысь экспертъёс, нимысьтыз ӧтем специалистъёс шонер гожъяськонъя, соцсетьёсын ужанъя но мукет удысъёсъя мастер-классъёс ортчытӥзы.

Кемалы вунонтэм кылёз Александр Бречаловен пумиськон. Журналистъёслэн юанъёссылы со  2 час пала валэктон сётъяз. Ивор вӧлмытон удысын тыршисьёслы вазиськыса, А. Бречалов пусйиз: журналистъёс зэмлыкез возьматыны, калыклэн сюлмаськытӥсь ужпумъёсыз сярысь гожъяны, шаерлэсь чебер интыоссэ данъяны, адямиосыз дунъяны кулэ. Сыӵе дыръя гинэ Удмуртилэн но данэз будоз.

Фестиваль дыръя пресс-конференция ортчытӥзы на Печатья но ивор вӧлмытонъя агентствоен кивалтӥсь Алексей Воронцов но солэн юрттӥсьёсыз. Кызьы пусйиз Алексей Воронцов, журналистъёс котьку но шаерамы ортчылӥсь ужрадъёсын валтӥсь интыын луо. Со ужрадъёсын калык гожъясь-верасьлэн синмыныз тодматске.

Фестивальлэн нырысетӥ ӝытаз журналистъёслэн спартакиадазы ортчиз на. Таяз учыре ивор вӧлмытон удысын тыршисьёс кужымзэс эскеризы, пыдын бызьылыса. Котькинлэсь шаплы вал Вавожысь «Авангард», Якшур-Бӧдьяысь «Рассвет» но Киясаысь «Знамя труда» газетъёсын ужасьёслэн командаоссы. Нимаз бызьылӥсьёс пӧлын 2-тӥ инты басьтӥз «Удмурт дуннеысь» Валентина Емельянова. Ӝытазе вань журналистъёс пыриськизы «Удмуртиысь кырӟась журналистъёс» конкурсэ. Котькинлэсь ӟеч дасяськиллям «Алнаш колхозник», Эграысь «Светлый путь», «Увинская газета», «Янарыш» редакциос.

Валентина Кутузова

Удмурт Дунне
By Удмурт Дунне 13 июля, 2017 12:17
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<