«Эру» шулдыръяськонэ вуоз 6 команда

Удмурт Дунне
By Удмурт Дунне Июль 24, 2017 13:23

28-тӥ пӧсьтолэзе Шаркан ёросысь Мувыр Вишур гуртын ортчоз быдэ вуонлы сӥзем «Эру» шулдыръяськон. Та дырлы ужрадэ пыриськыны мылкыд каризы 6 командаос, Кияса, Вавож, Эгра, Шаркан ёросъёсысь но Татарстанысь егитъёс. 

Шаерысьтымы сяна, туэ но шаркан музъем вылэ вуозы мукет улосввылъёсысь но удмурт егитъёс.

— Одӥг аре «Эру» ортчиз Грак ёросын, ми но отчы мынӥм. Учкиськом но: тросэз лыктэм командаос Шаркан ёросысь. Малы, иське, сокеме мынонэз, шулдыръяськонэз дорамы ик ортчытыны луэ ке, — вера Мувыр Вишурысь культурая юртлэн кивалтӥсез Ольга Широбокова.

Табере та шулдыръяськон Мувыр Вишур гуртын 3-тӥзэ ортче ни. Котьку сямен радъяськоз «Кык дыдыкъёс» ӵошатскон. Котькуд командаысь нылэн-пиен возьматозы ужаны быгатэмзэс: пу пильлозы, черсӥськозы, ву ваёзы но мукет. Озьы ик командаос куспазы мукет но ужрадъёсын вожвылъяськозы. Кылсярысь, соос ортчозы пӧртэм ужъёсын шудон пыр, со сӥземын луоз Шаркан ёросысь кылбурчилы, крезьгурчилы Владимир Котковлы.

«Эру» шулдыръяськонэз ортчытон сяме пыӵаз ни. Сое радъяло «Шунды» огазеяськон  Шаркан ёрос администрациен валче.

Мария Векшина

Туспуктэм: vk.com («Шунды» огазеяськон)

Удмурт Дунне
By Удмурт Дунне Июль 24, 2017 13:23
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<