«Быг-Быг»: Кыӵе инты басьто удмуртъёслэн улоназы нянь, кумышка но турын-куарен сиён-юон

Удмурт Дунне
By Удмурт Дунне Июль 7, 2017 19:44
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Туннэ Шаркан ёросысь Зар-Вишур гуртэ люкаськизы фин-угор сиён-юонэз эскерисьёс. Со — «Быг-Быг» фестивальлэн огез ужрадэз луэ.

Семинаре пыриськизы Шаркан, Вавож, Юкаменск ёросъёсысь музейын ужасьёс, школаын дышетскисьёс, Ижысь тодосчиос.

 — Кинъёс, кинъёс лыктӥллям — Зар-Вишур клуб азьын калыкез кырӟаса пумитаз гуртысь «Купанча» ансамбль.

— Ижысь тодосчиос, — пумитазы вазё куноос.

Семинаре пыриськизы Шаркан, Вавож, Балезино ёросъёсысь музейын ужасьёс, школаын дышетскисьёс, Ижысь тодосчиос. Асьсэ эскеронъёсазы соос пӧртэм ужпумъёс ӝутӥзы.

Шаркан ёросысь Ляльшур школаын дышетскись Кристина Ульянова пыр-поч гырем нянен герӟаськем сям-йылолъёсты, визькылъёсты. Шуэ: удмуртъёслэн улоназы нянь бадӟым инты басьтэ, нянь пырыосты куяны гинэ но уг яра.

Шаркан шор ёзо школаысь музеен кивалтӥсь Татьяна Ложкина утчам-люкам будосъёсын лэсьтэм сиён-юонъёсты. Соос, пе, 50-лэсь уно. Уго Ож вакытэ удмурт семьяос вань сиён-юонзэс государстволы сётъязы, асьсэлы номыр ӧз кыльылы ни. Жаляса верано, тросэз та сиён-юонъёс туала вакытэ уг пӧрасько ни. Та доклад бере калык шуэ: тодамы вайим, азьвыл сое но, тае но пӧраськом-сииськом вал.

SONY DSC

 

Йӧскалык политикая министрлэн воштӥсз Павел Орлов саклык висъяз кумышкалы. Огвакытэ сое пӧзьтыны ӧз лэзьылэ ни, удмуртъёс озьы ке но, аракы пӧзьтэмысь ӧз дугдэ. Соку та ужен выремез понна пытсэт сьӧры пуктэм воргорон, берпуметӥ кылзэ веракуз, шуэм: ми ум быгатӥське кумышкатэк, милям осконмы мукет. Уго удмуртъёслы вӧсяськыкузы, егит дыръяз чутрак кулэм муртэ сопал дуннее келякузы, кулэ луылӥз кумышка. Но со дыръя ик, кызьы гожто тодосчиос, удмуртъёс пӧлын кудӟем адямиос ӧз адӟиськылэ.

Докладъёс бырем бере калыкез шулдыртӥзы Зар-Вишур клубысь артистъёс, асьсэ вурем дэремъёссэс возьматӥзы Дэри ёросысь егит модельеръёс но Шарканысь киужъёсъя центрысь усточиос.

Кылем арын таӵе семинар ортчиз Шаркан ёросысь Вортча гуртын. Отын чузъяськем докладъёс печатламын вал пичи книгаен. Радъясьёз оско, та семинарлы но ортчытэм эскеронъёс нимысьтыз печатламын луозы шуыса.

Мария Векшина

Удмурт Дунне
By Удмурт Дунне Июль 7, 2017 19:44
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<