Антропологъёс но этнологъёс выль сюресъёсты утчало

Удмурт Дунне
By Удмурт Дунне Июль 3, 2017 13:47

Туннэ Ижысь Операя но балетъя театрын усьтӥськиз антропологъёслэн но этнологъёслэн конгрессы. Шаерамы вуизы 37 странаысь 600 пала тодосчиос.

Конгрессэ люкаськем калыклы пайдаё уж но ӟеч мылкыд сӥзизы кивалтӥсьёс.

— Ми данъяськиськом, таӵе бадӟым форум ми дорын ортче шуыса, — ужрадэз усьтыку, вераз Удмуртилэн Тӧроезлэсь ужзэ быдэсъясь Александр Бречалов. — Озьыен, шаерамы йӧскалык политика умой радъяське, татысь этнографической школа Россиын но быдэс фин-угор дуннеын тодмо.

Со школалэн кылдытӥсез — тодосчи, профессор Владимир Владыкин, пусйиз Кун Думаысь депутат, Россиысь антропологъёслэн но этнологъёслэн ассоциациенызы кивалтӥсь Алексей Загребин.

Конгрессын огдыре ужалозы 54 секциос, луозы пӧртэм котырес ӝӧкъёс но эчешонъёс. Отын пӧртэм темаос ӝутэмын луозы, озьы ке но соосты огазея одӥг юанлы валэктон утчан: туала улонын кыӵе инты инты басьто этнологъёс но антропологъёс?

Йӧскалык библиотекалэн адӟытонэз.

— Асьме удысын кылдо выль профессиос, сэрттэмэз-пертчемез возьмало выль юанъёс, — вера Антропологияя но этнологияя Н. Миклухо-Маклай нимо институтлэн кивалтӥсез Марина Мартынова. — 2015-тӥ арын кылдытэмын выль профессиосъя атлас. Солы осконо ке, 2030-тӥ арозь кылдозы 138 выль профессиос, соос пӧлын вань таӵеосыз но: предприятиын ужасьёсты эскерись антроплог но кросс-культурной коммуникацияя менеджер. Озьыен, туала дуннелы пайдаё луон понна ми воштӥськонъёсты усьтӥськыны кулэ.

Шаерамы вуизы 37 странаысь 600 пала тодосчиос.

Тодады вайытом, антропологъёслэн но этнологъёсэн 12-тӥ конгрессы йылпумъяське 6-тӥ пӧсьтолэзе, 54 секциос радъяськозы пӧртэм интыосын: Эшъяськон юртын, Лудорвай, М. Калашников но К. Герд нимо музейёсын, Удмурт кун уннисерситетын. Ӧсъёс усьтэмын ваньмызлы. Ужрадэз ортчыто Россиысь антропологёъслэн но этнологъёслэн ассоциацизы, Историяя, кылъя но литературая Удмурт институт, Удмуртиысь Правительство но мукетъёсыз.

Мария Векшина

Удмурт Дунне
By Удмурт Дунне Июль 3, 2017 13:47
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<