Владимир Путин: Вузэз палэнэ поттоно, выль амалъёс кутоно, егитъёслы усьтӥськоно

Удмурт Дунне
By Удмурт Дунне 30 июня, 2017 12:09
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

27-тӥ инвожое Иже вуылӥз Россилэн Президентэз Владимир Путин. Со тодматскиз «Купол» заводлэн, «Калашников» концернлэн ужаменызы, пыриськиз Россиысь машина лэсьтӥсьёслэн огазеяськонзылэн кенешаз, пумиськылӥз научно-технической конкурсъёсын но олимпиадаосын вормем пиналъёсын.

Кенешысен Владимир Путин машина поттонъя удыс азе 3  валтӥсь ужпум пуктӥз.

«Калашников» концернын бадӟым ужрад ортчиз — Россиысь Машина лэсьтӥсьёслэн огазеяськонзылэн но. Ож тӥрык поттӥсь предприятиослы юрттӥсь лигалэн заседанизы. Кенеше ӧтемын вал Россиысь Правительстволэн Тӧроезлэн воштӥсез Дмитрий Рогозин, Промышленностья но вуз каронъя министр Денис Мантуров, «Ростех» корпорацилэн кивалтӥсез Сергей Чемезов, Россиысь Президентлэн Приволжск федерал округъя оскем муртэз Михаил Бабич, Удмуртилэн Тӧроезлэсь ужзэ быдэсъясь Александр Бречалов.

Тодӥськом, Ижкар кылдэм дырысеныз странамылы корт, техника, ож тӥрлык поттӥз. Та удысъёс али но экономикамылэн шордӥньыз луо.

— Ми люкаським туннэ Ижын, ож тӥрлык но машина поттӥсь предприятосыныз тодмо луись карын. Трос аръёс татысь заводъёс армия, Россиысь промышленность понна потто ӟеч но оскымон продукция. Озьыен,  соос экономикаез ӝуто, странамылэсь кужымзэ юнмато, — вераз Владимир Путин. — Берло аръёссэ машина лэсьтӥсь предприятиос — Ижысь но, мукет улосвылъёсысь но — шуг-секытъёсты вормыны быгатӥзы, выль сямен ужаны кутскизы. Странаямы кылдӥзы выль центръёс, кудъёсыз наукаен выро, вузэз ӟечгес каро.

Кенешысен Владимир Путин машина поттонъя удыс азе 3  валтӥсь ужпум пуктӥз. Нырысь ик, машина поттӥсь предприятиослы вуззэс палэнэ вузаны юрттоно. Берло 4 толэзь ӵоже, кылсярысь, экспорт 17 процентлы будӥз. Кыкетӥез, уже выль амалъёсты кутоно, соос вуз поттонэз дунтэмгес мед карозы.  Но куинетӥез, тужгес кулэез, ужасьёсты дасяно, дышетоно. Предприятиосмед шара луозы, калык пӧлы мед дуннеысь потозы, озьы егитъёс заводэ кыстӥськозы. Соин ик кулэ мылысь-кыдысь пыриськыны ужась профессиос кусып радъяськись «ВорлдСкиллс» ӵошатсконэ.

Сергей Захаров

Туспуктэм: udmurt.ru

 

Удмурт Дунне
By Удмурт Дунне 30 июня, 2017 12:09 Updated