Вавож ёросысь Гурезь-Пудгалан «Гердлэн музъем вылаз» шутэтскон инты усьтӥськиз

Удмурт Дунне
By Удмурт Дунне Июнь 21, 2017 13:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Вавож ёросысь Гурезь-Пудгаысь клубын, школаын, музейын ужасьёс, огинэ кариськыса, «Гердлэн музъем вылаз» выль проект дасязы.

Вавож ёросысь Гурезь-Пудгаысь музей

Та гуртын интыяськемын К. Гердлэн музеез, кемалась ӧвӧл «Луч» хозяйство усьтӥз колхозникъёслы но куноослы шутэтскон инты — шудон площадкаен, мунчоен… Гурт калык утьыса возе удмурт сям-йылолъёсты, нылпиос мыло-кыдо пырисько пӧртэм ужрадъёсы. Иське, малы ваньзэ тае пайдаё кутонтэм?

— Малпаськом, дорамы кунояськыны мылкыд карисьёс луозы, — верало К. Гердлэн музеяз ужасьёс. — Арлы быдэ музеямы гинэ 900 пала адями вуылэ, ӧжыт ӧвӧл Удмуртилэн палэнысьтыз кожасьёс но. Соослы вераськом удмурт сям-йылолъёс, сиёнъёс сярысь. Нош соос шуо: милям шудыса эскереммы потэ, сиёнъёстэс но веръясалмы…

Выль проект улонэ пыӵаны кутскиз ке, ваньмыз со луоз, пе. Быдэс гуртэн сямен гурезь-пудгаос люкаллям вашкала удмурт шудонъёсты, сям-йылолъёсты. Тросэз Кузебай Герд вакытъёсысь луо ай, вуныны но кутскылэмын ни.

— Армие келян гуръёсты гинэ ог дасозэ шедьтӥм, — шуо музейчиос. — Нош «Нумыр сюан» сям-йылолэз кылем арын Виль дыръя возьматӥм ни. Мар со сыӵе? Емышъёс мед удалтозы шуыса, вашкалаосмы, бакчае ӝӧк пуктыса, шулдыръясько, кубиста куаре нумырез бинялто но сое шур кузя лэзё вылэм. Тазьы сӥлы каремзы понна нумырлэсь курылӥзы: бакча сиёнмес нымы-кибы медаз сиы…

Вашкалазэ тодэм нокинлы ӧз люкеты на, верало гуртоос куноослы. Проектсэс улонэ пыӵатыны чаклало ни туэысен ик.

Элина Васильева

 

 

 

Удмурт Дунне
By Удмурт Дунне Июнь 21, 2017 13:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<