Удмуртиын пыӵатыны кутскоз экспортной стандарт

Удмурт Дунне
By Удмурт Дунне Июнь 7, 2017 11:56

 

Та понна асьмелэн  луонлыкъёсмы вань, ивортӥз шаерысьтымы экономикая министр Михаил Зайцев.

Россиысь Экспортной центрлэн кивалтӥсез Пётр Фрадков Санкт-Петербургын ортчем форумысен тодматӥз экспортной стандартэн. Шуиз: вуоно арын со вань улосъёсын ужаны кулэ ни, туэ 13 улосъёсын вылын эскериськоз. Удмуртия — соос пӧлын.

— Та стандарт возьматэ, вузэз палэнэ поттон, экономикаез азинтон понна мар кулэ луыны регионын. Пӧртэм кенешъёс, ужбергатӥсьёсты дышетон центръёс, бизнес форумъёс, экспортэз азинтонъя азьлапал малпанъёс-проектъёс. Тросэз милям вань. Улӟоз Удмуртилэн Тӧроез бордын ужась экономической кенеш, матысь дыре кылдоз экспортёръёсын реестр, — пусйиз Михаил Зайцев. — Ӧвӧл на брендмы — сое кылдытоно но азинтоно, удмурт вузъёс сярысь быдэс дуннеын мед тодозы. Ми ӧвӧл бадӟым экономической огазеяськонъёсын, кунгож сьӧрысь рынокъёсын, та пумысен зол тыршо Татарстан, Краснодар улос. Нош милемлы кутсконо гинэ ай.

Пётр Фрадков шуиз: вуоно арын сэкспортной стандарт вань улосъёсын ужаны кулэ ни, туэ 13 улосъёсын вылын эскериськоз.

Экспорт удыслы тырмыт уксё но висъяськыны кулэ. Михаил Зайцев малпамъя, 56 миллион манет пала. Асьмелэн та лыдпус 9-10 миллионозь гинэ вуэ.

«Лэсьтэмын Удмуртиын» форум бере шаерамы бизнеслы сюрес паськытгес усьтӥськиз кадь. Ужбергатӥсьёс шуо, ми нырысьсэ элькун кивалтэтэн ымысь ыме вераським. Нош азьвыл мар люкетэ вал шаерысьтымы ужбергатонэз азинтыны? Номыр, шуэ Михаил Зайцев.

— Ми каллен-каллен азьлань мынӥм, нош али ӝоглык будӥз. 3-тӥ арзэ ни «Бизнес-мост Удмуртии» калыккуспо форум ортчытъяськом, ужбергатӥсьёслэсь юалляськиськом, кыӵе юрттэт кулэ. Матысь дыре нош ик люкаськом, асьсэ висьытӥсь юанъёссэс выт бичасьёслы, Прокуратуралы, элькун кивалтэтлы сётыны мед быгатозы шуыса.

Мария Векшина

Удмурт Дунне
By Удмурт Дунне Июнь 7, 2017 11:56
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<