«Тысь!»: ми кизиськом но кизиськом

Удмурт Дунне
By Удмурт Дунне Июнь 5, 2017 11:25
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Удмурт егитъёслэн кар культураязы кизён вакыт вуиз. Туала удмуртлыкъя «Тысь!» фестиваль ортчоз 13-тӥ инвожое Суредаськонъя элькун музейлэн азбараз. Со сӥземын Ижкарлэсь нуналзэ пусъёнлы, «Открытый город» юмшан проектэ пыре.

2017-тӥ арлы 2010-тӥ арысь салам вуиз, лэся. Ӵапак соку гужем Ижын «Узы-боры» кинолэн съёмкаосыз ортчизы. Отчы сюриз Москваысь бертэм Александр Старков арт-менеджер но. Со тодматскиз удмуртъёсын но туж паймиз,   шаплыесь вылӥськеммы шуыса. Туэ А. Старков кар администрациын шулдыръяськонъёсты радъясь дорозь будӥз. Со ик дэмлаз таӵе опен-эйрез люканы.

Кин воректоз та ужрадын? Выльёсыз удмурт кар культураез ӝутӥсьёс. Куноосты пумиталоз вузаськон азбар-маркет. Отын иллюстрациоссэ возьматоз Лилия Хегай (со газетмылы вылбам суредалля). Концерт люкетсэ усьтоз дано «Дукес» группа: Чудья Жени, Таня Тихонова но Лиля Леонтьева. Кузонысь вуозы удмуртъёс Павел Александров — Shoner Paul, Мария Бочкарева. Паша бавлы удмуртъёслэсь но аслэсьтыз кырӟанъёссэ быдэстоз, Мария синтезаторен шудоз, тодмо гуръёсты выль амалэн чузъяськытоз. Удмурт мода адӟытозы Mademoiselle Oudmourte агентствоысь чеберайёс. Тыл-шоу ӝуатоз TylNyl — Мария Игонина (али фаерчимы улэ Ярославльын). Удмуртъёс, пӧртэм интыосысь лыктыса но, огазеясько!

Нимысьтыз витиськом Светлана Ручкинаез — Ladi Sveti проектсэ. Али егит анай Мускоын улэ. Инди-рок кизили ивортӥз: «Пиеным утиськись шедьтӥ ке, лыкто».

А. Старков оске: али ӟеч вакыт кивалтэтэ выль кичӧлтонъёсын потыны. Мерттомы тысь — будэтомы выль егитъёсты! 12+

Дарали Лели

Удмурт Дунне
By Удмурт Дунне Июнь 5, 2017 11:25 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<