«Тысь» фестиваль: мар дауртӥське туала удмурт культураын?

Удмурт Дунне
By Удмурт Дунне Июнь 14, 2017 11:31
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Тодосчи Альберт Разин шуиз: егитъёс азьпала мыныны  туртто, Запад пала учкыса, нош отын ӧвӧл лул, ӧвӧл калык культура. Утёно асьмелэсьсэ.

Толон, 13-тӥ инвожое, Суредаськон искусствоосъя музейлэн азбараз радъяськиз «Тысь!» фестиваль. Арня ӵоже калыкез ас дораз ӧте на «Усьтэм кар» фестиваль. Калык понна радъясько Ижысь туала искусствоез возьматӥсь адӟытонъёс, концертъёс, пӧртэм мастер-классъёс. 

Ӝыт кутскиз юан бордысен: мар дауртӥське туала удмурт культураын? Тодосчи Альберт Разин шуиз: егитъёс азьпала мыныны  туртто, Запад пала учкыса, нош отын ӧвӧл лул, ӧвӧл калык культура. Утёно асьмелэсьсэ.

Удмурт литература, дӥськут дизайн, эктон, крезьгур дунне… Дарали Лели, фестивалез радъясь, удмурт культуралэсь вань сэрегъёссэ возьматыны тыршиз кадь. Тани куиськыны но черсӥськыны дышето Киужъёсъя элькун юртысь Татьяна Тихонова но Лиля Леонтьева. Вӧзазы ик — дизайнеръёслэн но дӥсь вурисьёслэн лавкаоссы. Нокинлы мӧзмыны маза ӧй вал, шудонэ потэм кадь. Чузъяськизы выль произведениосысь  чуръёс: Маша Векшина но Дарали Лели лыдӟизы романысьтызы люкетъёсты.

Собере азбар кузя вамыштӥзы модалиос. Вылазы —  Софи Разиналэн но Дарали Лелилэн дӥськут бичетъёсы. «Тулыспал» — нимаське нырысетӥез. Софи Разина тырше Удмурт кун университетысь модая лабораториын, коллекциез шоры учкыса, 60-тӥ аръёсысь «Наталь» опера, «Италмас» ансамбльлэн 90-тӥ аръёсысь дӥсьсы тодэ лыкто. Дарали Лелилэн бичетэзлэн дӥньыз — вашкала удмурт  дэрем. Дӥсезлэн басмаез синмез кыске — таиз дэремлы жар-птица тылыоссэ кузьмам, мукетызлы — возьёс сяськаоссэ сётӥллям, тропик нюлэсъёс — куаро писпуоссэ. Бичетэз но озьы ик нимаське «Гуль, яке Лымшор удмурт тропикъёс».

Дыр ортче, удмурт культураын кылдо выль нимъёс. Татарстанысь Павел Александровлэн гуръёсыз бавлы удмуртъёслэн сям-йылолъёсынызы пыӵамын. Туэ со выжы калыкъёслэн «Евровидениязы» ветлӥз, 3-тӥ инты басьтӥз.

Вашкала кырӟанъёсты быдэстэ Ижысь «Дукес» группа .

Вашкала кырӟанъёсты быдэстэ Ижысь «Дукес» группа но. Кияса ёросысь Мария Бочкарёва удмурт эстрадаысь кырӟанъёсты тодэ вайытӥз, каверъёс кырӟаз, ачиз ик синтезаторен шудӥз.  Можгалась Мария Гроздовалэсь но Башкириысь Ксения Ахметхановалэсь творчествозэс туала поп ӧре пыртыны луэ. Одӥг ар вис каремзы бере сцена вылэ потӥз «Сайлент Ву Гур»  группа. Быдэс азбар тыр чузъяськизы инди-рок шӧмо кырӟанъёс.

Таӵе ужрадъёс бере валаськод: сомында быгатӥсь егитъёс уло вӧзамы, кырӟан, верос каллен-каллен гожъяло, но малы ке ӧжыт пӧламы соосты огазе бичасьёс, Дарали Лели кадь, та выллем фестивальёсты радъясьёс. Оло, кылдытоно ужрадъёсын вырись, азьветлӥсьёсты дасясь школа?

«Тысь!» фестиваль сярысь пыр-почгес лыдӟе «Дарт» газетлэн вуоно номерысьтыз.

Мария Векшина

Удмурт Дунне
By Удмурт Дунне Июнь 14, 2017 11:31
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<