Тэль трос — пу ӧвӧл

Удмурт Дунне
By Удмурт Дунне 13 июня, 2017 12:54
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кез ёросысь Степанёнка но вӧзысьтыз гуртъёс быдэсак нюлэс пӧлы ышемын. Но татысь калык тэлез пулы но, лэсьтӥськонлы но погыръяны уг быгаты.

Кез ёросысь Степанёнка котырын тэлез кораны лэземын ӧвӧл.

1983-тӥ арын татысь 38 сюрс гектар нюлэс Кулигинской бобровой заказник луиз. 2014-тӥ арын Удмуртиысь Правительстволэн пуктэмезъя отын пӧйшураны, писпу кораны лэземын ӧвӧл.

Степанёнка муниципал кылдытэтлэн йырыз Сергей Володин верамъя, берло дыре гуртоосын котькудӥз пумиськон пу дасянэн герӟаськем юан бордысен кутске, калык кылдэм югдурез сэрттыны куре. Гуртъёсы газ вуымтэ на — коркаоссэс пуэн эсто.  Матысь 14 иськемысь Кулигаын ик чагыр эстӥськон юртъёсы пыртэмын ни, но Степанёнкаысь калык ку каньыл улыны быгатоз, тодмо ик ӧвӧл ай, вера С. Володин. Пу соослы вортто Кезысь, нош со Степанёнкалэсь ог 60 иськемын. Озьы пу трослы дуногес усе. Эшшо ке тулыс-сӥзьыл нӧдын пырыны уг луы, соин сэрен тросэз ужбергатӥсьёс Степанёнкае пу ворттыны пумит луо.

Та югдур шӧдӥськытэк уг кыльы гурт удыс  вылын но. «Степанёнки» колхоззы ёросысь кужмоосыз пӧлын. Эштослэн кивалтӥсез Фёдор Першин верамъя, колхозын 2 сюрс йыр пудолы ог 10 гид ӝутэмын, вань ю тысь куасьтон комплекссы — ваньмыз пуэн эстӥське.

— Али ми, нюлэсэн котыртэмын ке но, ум быгатӥське асьмелэсь нырысетӥ узырлыкмес — тэльмес — дасяны. Югдур туж секыт, адямиослэн мылкыдзы урод. Кинлэн таӵе условиосын улэмез потоз? Соин валче колхозын специалистъёсты возьыны курадӟиськом. Азьвыл колхозлы шуыса 2 сюрс кубометр пу басьтыны быгатылӥм, али сыӵе луонлыкмы ӧвӧл ни. Кылем арын озьы но тазьы быгатӥм ик Степанёнкаын 300 йырлы выль ферма ӝутыны. Пу ялан кулэ тупатъяськонлы но. Тани милям колхозамы 4 пилорамамы вань. Гуртоос отын асьсэлы пуктӥськыны материал дасяллязы. Нош али станокъёс ужтэк сыло, — сюлэмшугзэ усьтэ Ф. Першин.

Пу дасяны быгатымтэенызы курадӟо гуртысь школа но нылпи сад.

Степанёнкаын кылдэм югдурез воштон пумысен гурт калык Удмуртилэн Тӧроезлэсь ужзэ быдэсъясьлы Александр Бречаловлы вазиськиз. Тӧро дорын заказникъёсын кылдэм югдур пумысен  одӥг пол гинэ кенешонъёс ӧз ортчылэ ни. Кызьы сюлмаськонысь потоно, Россиысь Инкуазез утёнъя министерство та вакытэ йырзэ тӥя.

Ангелина Снигирёва

Туспуктӥз Евгений Ардашев 

Удмурт Дунне
By Удмурт Дунне 13 июня, 2017 12:54
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<