Татарстанысь Тэремшурын ортчиз «БиГерд» форум

Удмурт Дунне
By Удмурт Дунне 26 июня, 2017 08:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Та нуналъёсы Тэремшурын улон огыр-бугыр пӧзиз. Кин эктэ-кырӟа, кин шудонъёс малпа, кин гожъяське. Егитъёс огазе люкаськизы Татарстанысь удмуртъёслэн автономизылы но Тэремшурысь мыло-кыдо удмуртъёслы луыса.

Форуме вуизы бигер шаерысь 40 удмурт пиналъёс.

 

— Таӵе форум ортчытыны малпан кемалась вал ни. Нош туэ ваньмыз огазе тупаз кадь. Тэремшурысь милемлы вазиськизы: умой луысал, егитъёслэн нырысетӥ форумзы ми дорын радъяськысалыз ке. Озьы ик тау шуыны кулэ Татарстанысь удмуртъёслэн автономиенызы кивалтӥсьлы Андрей Герасимовлы дурбасьтэмез понна. Табере арлы огпол коть форумез орчытыны тыршом, — вера форумез радъясь Марина Спиридонова.

Форумын егитъёс  тодмо адямиосын пумиськылӥзы, Менделеевскез котыртӥзы, дышетскизы. Одӥгъёсыз Марина Спиридоноваен ӵош квест лэсьтӥзы, мукетъёсыз крезьгурчиен Павел Александровен но Кукмор ёросысь «Инвожо» ансамбльлэн кивалтӥсеныз Геннадий Ахметовен эктон-кырӟанъёс дышетӥзы, куинетӥосыз удмурт блогерен Алина Крестьяниноваен гожъяськизы, форумлэсь улонзэ мукетъёсызлы но меӵак эфирын возьматӥзы. Вераны кулэ, берло дыре Татарстанысь удмуртъёслэн автономизы чырмыт ужа. Уго со котыре али люкаськемын Татарстанысь вань ёросъёсысь егитъёс.

Форумлэн ужез таин гинэ ӧз йылпумъяськы. Егитъёс калыкез паймытӥзы на Татарстанысь удмуртъёслэн Гыронбыдтонэнызы. Отын соос флэш-мобын эктӥзы, концертын эктӥзы-кырӟазы. Нош Тэремшурысь калык пыриськыны быгатӥз форумын дасям квестэ.

Мария Векшина

Удмурт Дунне
By Удмурт Дунне 26 июня, 2017 08:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<