Сьӧлта ёросын одӥг нуналзэ кивалтӥзы егитъёс

15 егитъёс тодматскизы ёрос администрацилэн ужаменыз.

Визь погъёс калык кусыпъёсты тупатонэн герӟаськем юанъёслы валэктонъёс утчазы.

— Таӵе ужрад дыръя егитъёс валало: администрациын ужасьёс бумагаосы кинюртэмъёс гинэ пуктылыса уг пуко, татын бадӟым но тунсыко уж пӧзе, — вера ёрос администрациысь егитъёсын ужанъя ёзэн кивалтӥсь Александра Жуйкова. — Соосын кенешиз ёрослэн йырыз Василий Протопопов. Егитъёс солы трос пӧртэм юанъёс дасяллям: кызьы мынэ вуоно арын ёросын ортчоно Гурт шудонъёслы дасяськон, егитъёслы выль ужан интыос кылдозы-а, пыдлось гуртъёсы газ вуоз-а но мукет.

Берло егитъёс понна «ЭтноЭксперт» визь сынан ортчиз. Визь погъёс калык кусыпъёсты тупатонэн герӟаськем юанъёслы валэктонъёс утчазы. Собере котькудӥз кивалтӥсь луиз. Кылсярысь, «Звезда» эштосысь егит специалист Олеся Пашкина гурт удысъя управлениен кивалтӥз. Спортъя нылпи школаен кивалтӥсь Олег Русских ёрос йырлэсь сюлмаськонъёссэ ас вылаз мертаз.

Ангелина Снигирёва