Удмурт кылын пинал гожъяськисьёс дышетскозы «Егит журналист» лагерьын

Ангелина Снигирева
By Ангелина Снигирева 2 июня, 2017 14:05
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Покчи гожъяськисьёс пумиськылӥзы Кун Думаысь депутатэн А.Е. Загребинэн

Шаерысьтымы школаосын дышетскись, удмурт кылын гожъяськись пиналъёс понна 26-тӥ-30-тӥ июне ужалоз «Егит журналист» лагерь.

Мар кароно егитъёс пӧлысь гожъяськыны мылкыд карисьёсты шараян, соослы визь-кенешен юрттон, азьланяз тодон-валанзэс муромытон понна? Туала вакытэ уго журналистика удысэ удмурт пиналъёс уггес лыкто. Та ужпумез интыысьтыз вырӟытон вылысь но Удмурт кун университетысь Удмурт филологияя, финно-угроведениея но журналистикая институт «Удмурт дунне» газетэн валче кылем сӥзьыл усьтӥзы заочной журналистикая «Егит журналист» школа. Со школа ас котыраз биняз шаерысьтымы синмаськымон 17 пиналъёсты.

— Ас азямы ужпум пуктӥмы: школа, гожъяськыны, малпанъёсты радъяны дышетэм, кадръёсты дасям сяна, нылъёслы-пиослы юнманы мед юрттоз, — шуэ институтлэн директорез Наталья Кондратьева. — Соин ик, толэзьлы огпол лекциос, семинаръёс радъям сяна, нылпиосын ужаз психолог но. Со возьдаськонзэс вормыны юрттӥз, адямиосын вераськыны, асьсэды муртъёсын возьыны дышетӥз. Пиналъёсын пумиськылӥзы Наталья Буранова но Ксения Ахметханова егит артистъёс, соос веразы, кызьы трос калыклэсь кышкамысь дугдоно. Кепыранзэс быдтон понна пӧртэм экспериментъёс ортчытылӥзы, кылсярысь, котькудӥз ас вылаз мертаз Тол бабайлэсь рользэ, урамын адямиосын кенешиз. Озьы ик нылпиос пумиськылӥзы шаерысьтымы дано адямиосын, депутатъёсын. Тодон-валанзэс юнматон вылысь котькудӥзлы нимысьтыз задание сётэмын вал ёросысьтызы югдур яке адями сярысь материал гожтыны. Куд-огезлэн умойгес пӧрмиз очерк, мукетызлэн — публицистика, куинетӥезлэн — репортаж. Ужъёссы печатласькизы «Удмурт дунне» газетын.

Школалэн мукет палдурыз но вал на: социальной проектъёсты улонэ пыӵатон. Озьы нылпиос оген улӥсь песянай-песятайёслы юртъер котыразы юрттӥзы. Та акцие быдэс классэз но кытын но отын кыскизы. Пиналъёс валазы, журналист секыт югдурез умоятыны быгатэ вылэм шуыса. Нош одӥг-огез меӵак шуиз: тросгес вераськыны ӧдъяй удмурт кылын.

Школалы йылпумъянъёс лэсьтыса, нылпиослы эшшо но тросгес тодон-валан сётон вылысь ик Ижын июнь пумын радъяськон нимысьтыз лагерь.

Елена Сараматова

Ангелина Снигирева
By Ангелина Снигирева 2 июня, 2017 14:05
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<